Contact Us

SON XƏBƏRLƏR

Türkiyənin mövqeyi Suriya ilə bağlı sərtləşir

2021.10.20, 07:36
Türkiyənin mövqeyi Suriya ilə bağlı sərtləşir

Gunaz.tv

GünAz TV: Baş nazir Ərdoğan bildirib ki, "Səfirimizin geci çağırılmasından tampon bölgənin (hail məntəqə) yaradılmasına qədər variantları (seçənəkləri) gözdən keçiririk".

 

Baş nazir Rəcəb Tayyib Ərdoğan Suriya ilə bağlı dəyərləndirmələrin davam etdiyini, tampon bölgə və təhlükəsizlik bölgəsi kimi variantların müzakirə masasında olduğunu bildirib: "Səfirimizin geri çağırılmasından tutmuş vətəndaşlarımıza xəbərdarlığa qədər dəyərləndirmələr edirik. Bildiyiniz kimi, Kilis tərəfindəki hazırlıqlarımız bitmək üzrədir. Bitdikdən sonra Hataydakı çadır şəhərciyini konteyner şəhərciyinə daşımağı planlaşdırırıq. İbadətxanaları, məktəbləri ilə birlikdə 20 min nəfərlik kiçik şəhərcik yaradırıq. Tampon bölgə, təhlükəsizlik bölgəsi kimi variantlar da düşünülür. Çünki məsələyə birtərəfli qaydada baxmaq yanlış olar".

 

GünAz TV mətbuat mərkəzinin TRT-yə istinadən yaydığı məlumata görə, Ərdoğan hazırda Amerika və Rusiyanın Suriya ilə bağlı birgə mətn üzərində işlədiyini vurğulayıb: "Bəlkə də o mətn BMT-də (Birləşmiş Millətlər Təşkilatı) qəbul ediləcək. Bu mətnin nə olub-olmadığını da görəcəyik. Bununla bağlı da çalışmalarımız davam edir".

 

 Baş nazir İstanbulda keçiriləcək "Suriyanın dostları" konfransının da çox mühüm olduğunu deyib: "O konfransda Ərəb Liqası (Birliyi) və BMT ilə bir araya gələcəyik. Bu toplantını daha geniş miqyaslı və nəticə alınacaq şəkildə keçirməyi planlaşdırırıq". N.S

 

SEÇİLMİŞ XƏBƏRLƏR

Çox oxunanlar