Contact Us

SON XƏBƏRLƏR

BMT-nin İnsan Hüquqları Komitəsi İrandakı edamlara görə bəyanat yaydı

2023.11.05, 11:36
BMT-nin İnsan Hüquqları Komitəsi İrandakı edamlara görə bəyanat yaydı

Birləşmiş Millətlər Təşkilatının İnsan Hüquqları Komitəsi İranda edam sayının artmasına görə bəyanat yayıb.

Gunaz.tv

Bu barədə qurmun media hesabında paylaşım edilib.

Komitə, 139-cu iclasın son günündə İranda insan haqlarının vəziyyəti ilə bağlı əldə etdiyi nəticələri təqdim edib.

Bu hesabatın bir hissəsində İranda narkotik cinayətləri, "hökuməti və dini təhqir etmək" ilə bağlı ittihamlar da daxil olmaqla, edamların intensivləşməsindən narahatlıq ifadə olunub.

BMT-nin İnsan Hüquqları Komitəsi azlıqlara və uşaqlara qarşı ölüm hökmünün tətbiq edilməsini qınayıb və İrandan bu cəzanın yalnız “ən ağır cinayətlər, o cümlədən qəsdən adam öldürənlər” üçün tətbiq olunmasını tələb edib.

Hesabatda vurğulanıb ki, cinayət törətdiyi zaman yaşı 18-dən az olan şəxslər heç bir halda ölüm cəzasına məhkum edilməməlidir.

Qeyd edək ki, BMT-nin Baş katibi Antonio Quterreşin noyabrın 2-də bu təşkilatın Baş Assambleyasına təqdim etdiyi yeni hesabatda İranda edamların artmasından narahatlığını ifadə edib.

Quterreşin sözlərinə görə, İran bu ilin ilk 7 ayı ərzində ən azı 419 nəfəri asıb.

Bu rəqəm 2022-ci ilin eyni dövrü ilə müqayisədə 30% artım göstərir.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar