Contact Us

SON XƏBƏRLƏR

Rəisinin Ankaraya səfərinin ləğv edilməsi səbəbləri açıqlandı

2023.11.29, 15:33
Rəisinin Ankaraya səfərinin ləğv edilməsi səbəbləri açıqlandı

İranın xarici işlər naziri Hüseyn Əmir Abdullahiyan prezident İbrahim Rəisinin Türkiyə səfərinin təxirə salınması ilə bağlı açıqlama verib.

Gunaz.tv

Onun sözlərinə görə, prezidentin bu həftə Türkiyəyə səfəri Qəzzadakı vəziyyət və atəşkəs prosesi ilə bağlı Təhlükəsizlik Şurasının iclası ilə əlaqədar təxirə salınıb. 

Nazir deyib ki, bundan əvvəl iki ölkənin prezidentləri telefon danışığı zamanı bu barədə razılığa gəliblər.

"“Prezident Rəisinin Ankaraya rəsmi səfəri nəzərdə tutulmuşdu, ancaq BMT Təhlükəsizlik Şurasının Qəzza zolağındakı vəziyyətə həsr olunacaq, İran və Türkiyənin xarici işlər nazirlərinin dəvət ediləcəyi  iclas səbəbindən təxirə salındı. Bazar günü axşam İbrahim Rəisi və Rəcəb Təyyib Ərdoğan arasında baş tutan telefon danışığı zamanı iki ölkə prezidenti planlaşdırılan səfərin bir neçə gün ərzində baş tutacağı və səfər zamanı tərəflərin Təhlükəsizlik Şurasının iclasının nəticələrini müzakirə edəcəkləri barədə razılığa gəliblər”, - Abdullahiyan deyib.

O, özünün Amerikada BMT-nin Təhlükəsizlik Şurasının Qəzza zolağında baş verənlərlə bağlı xüsusi toplantıya gedə bilməməsi barədə də açıqlama verib.

“Təhlükəsizlik Şurasının iclasına üzv ölkələrin və İranın xarici işlər naziri dəvət olundu, lakin amerikalılar mənə və həmkarlarıma vizaları çox gec-  bu gün səhər saatlarında verdilər, ona görə də iclasda iştirak etmək mümkün olmadı”,- XİN başçısı bildirib.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar