Azərbaycanda daha bir jurnalist İran kəşfiyyatına işləməkdə ittiham olunur

SON XƏBƏRLƏR

Azərbaycanda daha bir jurnalist İran kəşfiyyatına işləməkdə ittiham olunur

2021.10.20, 07:36

Gunaz.tv

GünAz TV: “Tolışi Sədo” qəzetinin baş redaktoru (sərdəbir) Hilal Məmmədov Azərbaycana əleyhinə məlumatlar toplayıb İranın kəşfiyyat qurumuna ötürməkdə, eləcə də, məlumatlı şəxslərlə həmin təşkilatın nümayəndələrini əlaqələndirərək dövlətə xəyanətdə suçlanır.

Bu barədə iyulun (July) 4-də Baş prokurorluq (dadqostəri) və DİN-in (daxili işlər nazirliyi) birgə yaydığı bəyanatda bildirilir.

Bəyanatda qeyd olunur ki, H. Məmmədov 1992-ci ildən etibarən İranın xüsusi xidmət orqanının əməkdaşı Əbdoli Əli Həmzəli oğlu tərəfindən məxfi əməkdaşlığa cəlb olunub. Azərbaycanın suverenliyi, dövlət təhlükəsizliyi və ərazi toxunulmazlığı zərərinə fəaliyyət göstərib, bunun müqabilində mütəmadi şəkildə birbaşa maddi vəsait alıb.

Bəyanatda həmçinin qeyd olunur ki, H. Məmmədov Əbdoli Əli və digərləri ilə cinayət əlaqəsinə girərək, müxtəlif vaxtlarda İranda keçirilən konfranslardakı çıxışlarında, «Səhər-2» televiziya kanalına müsahibələrində, «Tolişi Sədo» qəzetində dərc olunmuş məqalələrində və tərcümə etdirərək yaydığı kitablarda Azərbaycanda yaşayan azsaylı xalqların həyatına, mədəniyyətinə, ənənələrinə, tarixinə inam və hörməti sarsıdan fikirlər bildirmiş, aşkar surətdə milli ayrı-seçkiliyin və düşmənçiliyin salınmasına yönələn hərəkətlər etmişdir.

Hilal Məmmədov Cinayət Məcəlləsinin 274-cü (dövlətə xəyanət), 283.2.2-ci (milli, irqi, sosial və ya dini nifrət və düşmənçiliyin salınması) və 234.4.3-cü (qanunsuz olaraq külli miqdarda narkotik (müxəddir) vasitələri əldə etmə, saxlama və satma) maddələri ilə təqsirləndirilir. Onun barəsində 3 ay müddətinə həbs qətimkan tədbiri seçilib.

Hilal Məmmədov iyunun (June) 22-də külli miqdarda narkotik maddə saxlama ittihamı ilə saxlanılıb. Məhkəmə onun haqqında 3 aylıq həbs qətimkan tədbiri seçib. Hilal Məmmədov özü bu ittihamları rədd edir. Azadlıq radisou

N.S

GUNAZ.TV

SON XƏBƏRLƏR