Şərqi Azərbaycan valisinin təqdimat mərasimində gərginlik yaşanıb

SON XƏBƏRLƏR

Şərqi Azərbaycan valisinin təqdimat mərasimində gərginlik yaşanıb

2024.01.24, 16:09

Yanvarın 23-ü axşam saatlarında Şərqi Azərbaycan əyalətinin yeni valisi Malik Rəhmətinin Təbrizdə keçirilən rəsmi təqdimat mərasimində gərginlik yaşanıb.

Gunaz.tv

Buna səbəb Təbrizin İran parlamentindəki nümayəndəsi Əhməd Əlirzabeyginin prezident İbraim Rəisinin siyasətini tənqid etməsi olub.

O, Rəisinin başçılıq etdiyi hökumətin körfəzdən İranın mərkəzi əyalətlərinə su kanallarının çəkilişinə büdcə ayırdığı halda, Azərbaycanda su probleminin həllinə ciddi yanaşmadığını deyib.

"Həyati əhəmiyyət daşıyan su ehtiyatlarının, xüsusilə də içməli suyun olmaması gələn il üçün ciddi təhlükə hesab olunur",- millət vəkili bildirib.

Əlirzabeygi körfəzdən su kanalının çəkilişini şou adlandırıb və bunun heç bir iqtisadi izahı və əhəmiyyətinin olmadığını söyləyib.

O, Araz çayından Şərqi Azərbaycan əyalətinin Şəbistər düzənliyinə su kanalının çəkilməsi üçün layihəyə əhəmiyyət verilməməsini tənqid edib.

Millət vəkili İbrahim Rəisi hökumətinin iş başına gəldiyi vaxtdan bu günə kimi məqbul fəaliyyət göstərmədiyini və bu səbəbdən bu hökumətin ikinci dövr üçün seçilmə ehtimalının az olduğunu qeyd edib.

Timur

GUNAZ.TV

SON XƏBƏRLƏR