Contact Us

SON XƏBƏRLƏR

GAMAC Azərbaycan Respublikasında növbədənkənar Prezident seçkiləri ilə bağlı bəyanat yaydı

2024.01.29, 08:59
GAMAC Azərbaycan Respublikasında növbədənkənar Prezident seçkiləri ilə bağlı bəyanat yaydı

Azərbaycan Respublikasında növbədənkənar Prezident seçkilərinin keçirilməsi ilə bağlı Güney Azərbaycan Milli Azadlıq Cəbhəsi (GAMAC) bəyanat yayıb.

Gunaz.tv

Bəyanatda deyilir:

"Azərbaycan Respublikasının ərazi bütövlüyü və suverenliyinin bərpasından sonra müstəqillik tariximizdə ilk olaraq 2024-cü il fevralın 7-də ölkəmizin bütün ərazilərində, o cümlədən işğaldan azad edilmiş Xankəndi, Şuşa, Xocalı, Laçın, Kəlbəcər, Fizuli, Zəngilan, Cəbrayıl və digər bölgələrdə növbədənkənar prezident seçkiləri reallaşacaq. Milli-demokratik dövlətçiliyin inkişafı yönündə milli iradəni və azərbaycanlıların milli birliyini ortaya qoyacaq bu tarixi seçki demokratik prisipial dəyərlər əsasında güclü Azərbaycan dövlətinin yeni dönəmə keçidi kimi dəyərləndirilməlidir.
 
Müasir Azərbaycan tariximizdə öhdəsinə götürdüyü dövlətçilik təmsilçiliyini başarı ilə yerinə yetirən Azərbaycan Respublikasının prezidenti cənab İlham Əliyevin stratejik və visioner liderliyi güclü Azərbaycanın qarantıdır. Onun Azərbaycanın ərazi bütövlüyünün bərpasında Ali Baş Komandan olaraq danılmaz rolu, siyasi və sosial-iqtisadi sahələrdə, həmçinin ordu quruculuğunda apardığı islahatlar, bölğədə sülhün, əməkdaşlığın və təhlükəsizliyin təmin edilməsi istiqamətindəki təşəbbüsləri dünyada yaşayan azərbaycanlıların da diqqət mərkəzindədir.
 
Biz Güney Azərbaycan Milli Azadlıq Cəbhəsi olaraq, 7 fevral 2024-cü il tarixdə keçiriləcək növbədənkənar prezident seçkilərində cənab İlham Əliyev və onun təmsil etdiyi milli maraqları, demokratik prosesləri dəstəkləyirik. İnanırıq ki, bu seçkilərdə qalib xalqın qalib prezidenti millətin dəstəyi ilə güclü Azərbaycanın gələcəyini formalaşdıran cənab İlham Əliyev olacaqdır".
 
 GÜNEY AZƏRBAYCAN MİLLİ AZADLIQ CƏHBƏSİ 29.1.2024

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar