SEPAH zabitləri ABŞ-yə sığınıb?

SON XƏBƏRLƏR

SEPAH zabitləri ABŞ-yə sığınıb? - İddia

2024.12.12, 10:13

İran İslam İnqilabı Keşikçilərinin (SEPAH) Qüds qüvvələrinin 6 yüksək rütbəli zabiti, bir diplomat və 3 iranlı podratçı ABŞ-ın Beyrutdakı səfirliyinə sığınıb.

Gunaz.tv

Bu barədə Beyrutdakı səfirliyinin ictimaiyyətlə əlaqələr şöbəsinin rəhbəri Əhməd Bəşrət məlumat yayıb.

"SEPAH-ın Qüds Qüvvələrinin 6 müşaviri, bir diplomat və 3 podratçının hələ də ölkəyə qayıtmamsı logistik məsələ deyil. Daha doğrusu, bu, bir tərəfdən Beyrutdakı xarici səfirliyin fitnəsi, digər tərəfdən isə əxsi vəsvəsələridir. Onlar Beyrutdakı müvəqqəti iqamətgaha çatdıqdan sonra gecə yarısı oranı tərk ediblər, 48 saat axtarışdan sonra onların Amerika səfirliyinə getdiklərini müəyyən etdik",- Bəşrət deyib.

Qüds Korpusuna bağlı "Nab Cihadi" Teleqram kanalı isə yazıb:

"Bu xəbərin doğru olub-olmadığını bilmirik, amma etibarlı kanallarımızda dərc olunub! Nə üçün SEPAH-ın 6 hərbi müşaviri İrana qayıda bilmir? Pasport problemi, yoxsa?..

Amerikalılar Livan Xarici İşlər Nazirliyinə bildiriblər ki, bu insanlar özləri İrana qayıtmamağı xahiş ediblər və ABŞ və ya Qərb ölkələrindən sığınacaq istəyiblər.

Amerika səfirliyinin rəsmisi iddia edib ki, briqada generalı rütbəli bu müşavirlərdən biri İran daxilində gizli hərbi yerlər barədə konkret məlumat müqabilində sığınacaq almağa zəmanət istəyib.

"Təbii ki, Amerikanın bu iddiasının nə dərəcədə doğru olduğu bəlli deyil və bizim şübhəmiz odur ki, Suriya və Livandakı xaosun ortasında Amerika xüsusi xidmət orqanları bu insanları oğurlayıblar”,- Əhməd Bəşrət bildirib.

Qeyd edək ki, SEPAH zabitlərinin ABŞ səfirliyinə sığınması barədə məlumat Amerika və İran rəsmiləri tərəfindən təsdiqlənməyib.

GünazTV

GUNAZ.TV

SON XƏBƏRLƏR