Contact Us

SON XƏBƏRLƏR

GÜNEY AZƏRBAYCAN MİLLİ DÖVLƏTÇİLİK ŞURASININ MƏTBUAT AÇIQLAMASI

2025.08.03, 08:57
GÜNEY AZƏRBAYCAN MİLLİ DÖVLƏTÇİLİK ŞURASININ MƏTBUAT AÇIQLAMASI

Güney Azərbaycan Milli Dövlətçilik Şurası açıqlama ilə çıxış edib.

Gunaz.tv

Güney Azərbaycan Milli Dövlətçilik Şurası (MDŞ), 1 avqust 2025-ci il tarixində keçirilmiş Mərkəzi Şura iclasında aparılmış müzakirələr nəticəsində, Əməkdaşlıq Şurasındakı fəaliyyətini dayandırmaq qərarına gəlmişdir.

MDŞ bu günə qədər Güney Azərbaycanla bağlı bütün Azərbaycan mərkəzli təşəbbüslərə və milli məqsədlərə yönəlmiş əməkdaşlıqlara prinsipial dəstək vermiş, vahid hədəfə yönəlmiş təşəbbüslərdə konstruktiv mövqe sərgiləmişdir. Bununla belə, son müzakirələr fonunda ortaya çıxan müəyyən prinsipial fikir ayrılıqları, xüsusilə də Əməkdaşlıq Şurasında qəbul edilmiş 7-ci maddənin məzmunu və izah forması, MDŞ-nin milli dövlətçilik əsaslı yanaşması ilə üst-üstə düşməmişdir.

Mərkəzi Şura tərəfindən aparılan təhlillər nəticəsində həmin prinsipin MDŞ-nin qəbul etdiyi əsas sənədlərə və milli-strateji mövqeyə uyğun gəlmədiyi, dəyişdirilməsi və ya çıxarılması ilə bağlı təkliflərin isə nəticəsiz qaldığı təsbit edilmişdir. Bu şəraitdə MDŞ, fəaliyyətini özünün müəyyən etdiyi milli maraqlar, suverenlik və öz müqəddəratını təyinetmə prinsipləri əsasında davam etdirməyi daha məqsədəuyğun hesab etmişdir.

MDŞ, eyni zamanda milli məsuliyyət hissi ilə fəaliyyət göstərən bütün qurumların səylərini yüksək qiymətləndirir, Əməkdaşlıq Şurasında təmsil olunan təşkilatlara gələcək fəaliyyətlərində uğurlar arzulayır və ümid edir ki, hər bir təşəbbüs Güney Azərbaycanın milli kimliyi, hüquqları və dövlətçilik idealı istiqamətində davam etdiriləcəkdir.

Güney Azərbaycan Milli Dövlətçilik Şurası
Mərkəzi Şura
01 Avqust 2025

Açar Sözlər :

SEÇİLMİŞ XƏBƏRLƏR

Çox oxunanlar