Amerika İranın danışıqları barədə istəklərinə məhəl qoymur

SON XƏBƏRLƏR

Amerika İranın danışıqları barədə istəklərinə məhəl qoymur

2025.09.02, 15:03

İranın yüksək rütbəli rəsmiləri qapalı görüşlərdə etiraf ediblər ki, Vaşinqton danışıqları təzələmək istəyən İrandan gələn ən azı 15 mesaja məhəl qoymayıb.

Gunaz.tv

İranın xarici işlər nazirinin siyasi məsələlər üzrə müavini Məcid Təxt-Rəvançi şənbə günü İranın çap və onlayn media redaktorları ilə şəxsi görüşdə bildirib ki, Ağ Ev Tehranın danışıqların bərpası ilə bağlı mesajlarına məhəl qoymayıb.

Ötən həftə oxşar iclasda xarici işlər nazirinin hüquq məsələləri üzrə müavini Kazım Qəribabadi İranın müxtəlif kanallar vasitəsilə Vaşinqtona 15 dəfə mesaj göndərdiyini, lakin heç bir cavab almadığını açıqlayıb.

Qeyd edək ki, ötən həfətnin beşinci günü Böyük Britaniya, Fransa və Almaniya BMT Təhlükəsizlik Şurasına göndərdiyi rəsmi məktubda nüvə proqramı ilə əlaqədar İrana qarşı BMT sanksiyalarını bərpa etmək üçün 30 günlük prosesə - "tətik" mexanizmini işə salıblar.

Amerika ilə danışıqların bərpası avropalıların BMT-nin İrana qarşı sanksiyalarının geri çəkilməsini gecikdirmək üçün qoyduğu üç ilkin şərtdən biridir.

Xatırladaq ki, Omanın vasitəçiliyi ilə Amerika ilə əvvəlki danışıqlarda İran uranın zənginləşdirilməsi proqramına məhdudiyyətləri qəbul etməkdən imtina edib. Amerikanının xüsusi elçisi Stiv Vitkof bir neçə raund davam edən danışıqlardan sonra təkliflər təqdim etdi, ancaq İran rəhbəri Əli Xamenei İran daxilində zənginləşdirmənin qırmızı xətt olduğunu bildirdiyi üçün təkliflərin hamısı rədd edildi.

Bundan sonra Amerikanın İranın nüvə obyektlərinə zərbə endirməsi ilə başa çatan 12 günlük savaş verdi. Münaqişədən sonra Vaşinqton bəyan etdi ki, saziş yalnız İran öz ərazisində “sıfır zənginləşdirməyə” razılaşarsa mümkündür, İran rəsmiləri isə bu şərti rədd edir.

Prezident Tramp iyulun ortalarında jurnalistlərə açıəqlamasında bildirib ki, Amerikanın zərbələrindən sonra İranla əlaqə saxlamaq üçün aktuallıq aradan qalxıb.

"Onlar danışmaq istəyirlər, mən danışıqlara tələsmirəm, çünki onların nüvə sahəsini məhv etmişik." - deyə Tramp bildirmişdi.

- Cəfər Cəfərli

GUNAZ.TV

SON XƏBƏRLƏR