Contact Us

SON XƏBƏRLƏR

Tramp Pəhləvi ilə bağlı mövqeyini açıqladı (Video)

2026.03.03, 23:15
Tramp Pəhləvi ilə bağlı mövqeyini açıqladı (Video)

Gunaz.tv

Donald Trump İranın gələcək rəhbərliyi ilə bağlı son açıqlamasında faktiki olaraq Reza Pəhləvi kimi xaricdə yaşayan fiqurların prioritet seçim olmadığını göstərib. Tramp bildirib ki, İranın idarəçiliyini üzərinə götürəcək şəxsin ölkə daxilində olması daha məqsədəuyğundur.

O, son hadisələrə toxunaraq qeyd edib ki, rəhbərlik üçün nəzərdə tutduğu bəzi şəxslər artıq həyatda deyil. “Bu vəzifə üçün düşündüyüm insanların əksəriyyəti öldürülüb. Başqa bir qrupumuz da var, lakin onların da taleyi bəlli olmaya bilər”, – deyə Tramp vurğulayıb.

Trampdan Pəhləvinin mümkün namizəd olub-olmayacağı soruşulduqda isə o, belə cavab verib: “Daxildən birinin olması daha uyğun olar. O, çox nəzakətli insandır, lakin məncə, orada olan və hazırda populyar olan biri olmalıdır.”

Bu açıqlama xaricdə fəaliyyət göstərən siyasi dairələr üçün açıq mesaj kimi qiymətləndirilir. Uzun illərdir özünü alternativ kimi təqdim edən qüvvələrin ABŞ administrasiyası tərəfindən əsas seçim kimi qəbul edilmədiyi görünür. “Daxildən lider” vurğusu Vaşinqtonun mümkün siyasi keçid ssenarisində prioriteti ölkə daxilindəki fiqurlara verdiyini göstərir.

Qeyd edək ki, son aylarda bəzi media orqanlarında Pəhləvinin Vaşinqtondan rəsmi dəstək almağa çalışdığı barədə məlumatlar yayılmışdı. Lakin Trampın son mövqeyi göstərir ki, ABŞ-ın mümkün siyasi dəyişikliklə bağlı yanaşması xaricdəki müxalifət fiqurlarından daha çox ölkədaxili proseslərə fokuslanıb.

Mövzu ilə bağlı əlavə reaksiyalar və rəsmi açıqlamalar gözlənilir.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar