Contact Us

SON XƏBƏRLƏR

Bu gün Dünya Azərbaycanlıların Həmrəylik Günüdür

2021.10.20, 07:36
Bu gün Dünya Azərbaycanlıların Həmrəylik Günüdür

Gunaz.tv

GünAz TV: “31 dekabr” Dünya Azərbaycanlılarının Həmrəylik Günüdür. Artıq 19 ildir ki, bu bayramı dünyanın müxtəlif ölkələrində yaşayan 50 milyona yaxın azərbaycanlı qeyd edir.

 

Azərbaycanlılar minilliklər boyu özlərinin tarixi torpağı olan Azərbaycan ərazisində yaşayaraq, bəşər sivilizasiyasına (təməddün) böyük töhfələr veriblər. Müharibələr, inqilablar, hərbi münaqişələr, dünyada gedən ictimai-siyasi proseslər (sürəc) nəticəsində Azərbaycan parçalanıb, azərbaycanlıların bir qismi yurd-yuvalarından didərgin salınıb, deportasiyalara (deport) məruz qalıb, iş tapmaq, təhsil almaq məqsədi ilə doğma Vətəni tərk edərək başqa ölkələrdə məskunlaşıblar. Hazırda dünyanın hər yerində azərbaycanlılar yaşayırlar.

 

 Uzun bir dövr Vətəndə yaşayan azərbaycanlılar başqa ölkələrdə məskunlaşmış həmvətənliləri ilə görüşmək, əlaqələr yaratmaq imkanından məhrum olublar. Sovet dövlətinin (Şurəvi) qadağaları qardaşın qardaşla görüşməyinə imkan vermirdi. Sovet rejiminin zəifləməyə başladığı 1980-ci illərin sonlarında Azərbaycan xalqı öz həmvətənləri ilə əlaqələr yaratmaq üçün səylərini artırdı.

 

 Dünya Azərbaycanlılarının Həmrəylik Gününün əsası 1989-cu il dekabrın (December) axırlarında Naxçıvanda sərhədlərin (Güney və Quzey arası) açılması zamanı qoyuldu. Quzey və Güney Azərbaycan arasındakı sərhəd dirəkləri dağıdıldı. Bu vaxt İstanbulda türk xalqlarının  Konfransı keçirilirdi. Konfrans da dünya azərbaycanlılarının həmrəyliyinin qeyd olunmasına qərar verdi.

 

Beləliklə bütün azərbaycanlılar üçün əziz olan 31 dekabr Dünya Azərbaycanlılarının Həmrəylik Günü kimi qeyd edilir.

Bayramınız Mübarək

SEÇİLMİŞ XƏBƏRLƏR

Çox oxunanlar