Şərqi Azərbaycan ostandarı Azərbaycan Cümhuriyyətinə qarşı çıxış edib

SON XƏBƏRLƏR

Şərqi Azərbaycan ostandarı Azərbaycan Cümhuriyyətinə qarşı çıxış edib

2021.10.20, 07:36

Gunaz.tv

GünAz TV: İran rejimi Azərbaycanlıların həmrəyliyini pozmaq məqsədi ilə məkrli planlarını var gücü ilə davam etdirir.

Molla hakimiyyəti antiazərbaycan siyasətini azərbaycanlıların öz əli ilə həyata keçirməyə çalışır. Artıq dəfələrdir ki, Güney Azərbaycanda öz əlaltılarını Azərbaycan Respublikasının (Cümhuriyyətinin) əleyhinə danışdırmaqla Güney və Quzey Azərbaycan arasında guya ideolojik və təməl problemlərin olduğunu üzə çıxarmağa cəhd edirlər.

Bu dəfədə Şərqi Azərbaycan əyalətinin ostandarı Əhməd Əlirza Beygi dekabrın (December) 29-da Təbriz məscidlərinin birində çıxış edərək Qarabağdan danışıb.

O, bildirib ki, “Hazırda Azərbaycan Respublikası əhalisi yeni nəsildən xəcalət çəkir. Çünki 3 milyonluq bir ölkənin (Ermənistan – red.) gəlib 9 milyon əhalisi olan bir ölkənin ərazisinin 20 faizini necə işğal etməsini onlara izah edə bilmirlər. Elə buna görə də bu işdə başqalarını günahlandırırlar.

Ölkənin ərazisinin işğal altında olması xalq üçün böyük dərddir. Lakin yazıqlar olsun ki, Azərbaycan Respublikası hakimiyyəti işğal olunmuş bölgələri geri qaytarmaq üçün düzgün istiqamət seçməyib. Azərbaycan Respublikası İsrail və Amerikaya söykənməklə Qarabağı azad etmək istəyir. Bu isə olası deyil. Qarabağı azad etməyin yeganə yolu Azərbaycan Respublikası hökumətinin İmam Hüseyn məktəbinə qayıtmasındadır”.

GUNAZ.TV

SON XƏBƏRLƏR