Daşqalağa məhkum edilmiş xanımın hökmü edam cəzası ilə əvəz oluna bilər

SON XƏBƏRLƏR

Daşqalağa məhkum edilmiş xanımın hökmü edam cəzası ilə əvəz oluna bilər

2021.10.20, 07:36

Gunaz.tv

GünAz TV: İranda ərinə xəyanətdə və onun qətlə yetirilməsində ittiham olunaraq daşqalaqla ölümə məhkum edilmiş Səkinə Məhəmmədi Aştiani daşqalaqdan qurtulsa da, edam olunacaq.

İki ildir hökmün icrası beynəlxalq təzyiqlər nəticəsində dayandırılıb və dünən Aştianinin daşqalaq edilməyəcəyi barədə qəribə bir açıqlama verilib.

Şərqi Azərbaycan vilayətinin prokuroru (dadistan) Malik Əjdər Şərifi bildirib ki, biz o vaxt İran Ali Məhkəməsinin sabiq sədri Haşimi Şahrudiyə müraciət etdik. Ancaq heç bir dəqiq cavab ala bilmədik. İndi İranın Ali Məhkəməsinin yeni sədri, ayətullah Sadiq Amoli Laricani bu qadının daşqalaq cəzasının edamla əvəzlənməsinin mümkün olduğunu, bununla bağlı ölkədəki İslam alimləri ilə məsləhətləşmələr aparıldığını deyib. Prokuror həmçinin vurğulayıb ki,10 illik həbsxanada olan qadının edamı üçün tələsməyəcəklər və alimlərin dəqiq bir qərarını gözləyəcəklər. Əgər İslam şəriətində daşqalaq cəzasının edamla əvəzlənməsinə qəti əmin olsaq, hökm dərhal icra ediləcək.

Xatırladaq ki, Səkinə Məhəmmədi Aştiani 2005-ci ildə həyat yoldaşı İbrahim Qədrizadəni qohumu tərəfindən öldürülməsinə kömək etmiş və həmin qohumu ilə qeyri-qanuni cinsi əlaqədə olması ittihamı ilə həbs olunub.Təbriz Məhkəməsi birinci onu 99 zərbə şallaq cəzasına məhkum edib və hökm icra olunub. Sonradan Səkinə Məhəmmədi Aştianiyə yeni iş açılıb. Sonra o, xəyanət etməkdə günahlandırılıb, daşqalaq yoluyla ölümə məhkum olunub.

GUNAZ.TV

SON XƏBƏRLƏR