Contact Us

SON XƏBƏRLƏR

Rəsmi Bakı Fransada uydurma “erməni soyqırımı” ilə bağlı qanunun qəbul edilməsinə kəskin etiraz edib

2021.10.20, 07:36
Rəsmi Bakı Fransada uydurma “erməni soyqırımı” ilə bağlı qanunun qəbul edilməsinə kəskin etiraz edib

Gunaz.tv

GünAz TV: Azərbaycan Respublikası (Cümhuriyyəti) Fransanın Milli Assambleyasında (milli şura) "Qanunla tanınmış soyqırımların mövcudluğunun təkzib edilməsinə görə cəza nəzərdə tutan" qanun layihəsinin qəbul edilməsini kəskin şəkildə pisləyir.

 

Azərbaycanın Xarici İşlər Nazirliyinin mətbuat xidmətindən verilən məlumata görə, Azərbaycan öz təəccübünü ifadə edərək, bu addımın Avropa məkanında demokratiyanın əsasını təşkil edən söz və ifadə azadlığı prinsiplərinə (ilkə, əsl) qətiyyən uyğun olmadığını, Fransanın götürdüyü insan hüquqları və əsas azadlıqlar kimi demokratik dəyərlərə hörmət etmək öhdəliyi ilə ziddiyyət təşkil etdiyini və qəbuledilməz olduğunu bəyan edir.

 

"Azərbaycan Respublikası Fransa Milli Assambleyasının bu cür qanun layihəsi qəbul etdiyi halda, Azərbaycanın işğal olunmuş ərazilərində yüz minlərlə azərbaycanlının etnik təmizləməyə məruz qalmasına, öz torpaqlarında məcburi köçkünə çevrilməsinə, həmçinin bu insanların hüquqlarının kobud şəkildə pozulmaqda davam etməsinə göz yummasını dərin təəssüflə qarşılayır", deyə XİN-in rəsmi bəyanatında qeyd olunur.

SEÇİLMİŞ XƏBƏRLƏR

Çox oxunanlar