Türkiyəyə qarşı çevrilmiş hər bir hərəkət Azərbaycana qarşı hərəkət sayılır

SON XƏBƏRLƏR

Türkiyəyə qarşı çevrilmiş hər bir hərəkət Azərbaycana qarşı hərəkət sayılır

2021.10.20, 07:36

Gunaz.tv

GünAz TV: Fransa belə bir addım atmaqla insan hüquqları və demokratiyaya çox ciddi kölgə salan qərar qəbul edib.

Bunu jurnalistlərlə söhbətində Yeni Azərbaycan Partiyasının icra-katibi Əli Əhmədov deyib.

“Hesab edirik ki, belə bir qərarla Fransa insan hüquqları və azadlıqlarına hörmətsiz yanaşdığını bilərəkdən və ya bilməyərəkdən ifadə etmiş olub”.

Eyni zamanda Ə.Əhmədov deyib ki, bunu Fransanın Türkiyəyə qarşı haqsız və ədalətsiz təzyiq forması hesab edirik.

“Çox güman ki, Azərbaycan vətəndaşları da buna öz hiddətlərini bildirəcəklər. Bir məsələni də qeyd etmək istəyirəm ki, Fransa Ermənistan-Azərbaycan münaqişəsinin tənzimlənməsi üzrə ATƏT-in (Avropa Təhlükəsizlik və Əməkdaşlıq Təşkilatı) Minsk qrupunun həmsədridir. Əgər Fransa tarixi faktlara (gərçəklərə) və hadisələrə bu qədər bitərəf və qərəzli yanaşırsa, bundan istər-istəməz hər bir Azərbaycan vətəndaşı, o cümlədən mən də müvafiq nəticə çıxarıram. Bu da ondan ibarətdir ki, Minsk qrupunun həmsədri kimi Fransanın münaqişənin nizama salınmasında ədalətli mövqe nümayiş etdirəcəyinə çox ciddi şübhələr yaranır”.

Ə.Əhmədov deyib ki, bütün bunların hamısı, həm də bu qərarın qəbul edilməsi, bir daha Azərbaycan vətəndaşlarını düşündürməlidir.

“Biz qardaş Türkiyəyə qarşı çevrilmiş hər bir hərəkəti bötüvlükdə Azərbaycana, hər bir azərbaycanlıya qarşı çevrilmiş hərəkət kimi qiymətləndiririk”.

GUNAZ.TV

SON XƏBƏRLƏR