Fransa Məclisində Yenidən Gündəmə Gətirilən Sözdə Erməni Soyqırımı ilə  Bağlı Azərbaycan Milli Dirəniş Təşkilatı’nın Bildirişi

 Bir daha tarixi gərçəklər siyasətə qurban verilməkdə və nə yazıq görürük ki seçkilərə yaxınlaşan Fransa’nın hakim partiyası ölkəsindəki Erməni və Rus azınlığının səslərini almaq üçün bir daha saxta Erməni iddialarını Fransa məclisinin gündəminə daşımaqdadır. İllərdir ki Amerika, Avrupa və hətta İran’ın siyasi liderləri Erməni diyasporasının basğısı ilə və sirf siyasi çıxarlardan ötürü Ermənilərin Qafqazlar, Azərbaycan və Anadolu’daki cinayətlərinə göz ötürlər və bir halda ki Xocalı Soyqırımı’nın ildönümünə hardasa bir ay qalır Fransa məclisi Ermənilərin Osmanlı Türkiyəsi əleyhindəki saxta və uydurma iddialarını bir daha gündəmə almaq istəyir.Arşivlər bir yana dursun, heç şübhəsiz hələ yaşamaqda olan qadın və kişilər Qafqaz, Azərbaycan və Anadolu’da müsəlman əhaliyə rəva görülən zülmün ən yaxşı şahidləridirlər və onlardır ki Erməni Daşnaqlarının Rus əsgərləri və Fransalı misyonerlərin yardımı ilə Türkləri necə qətl etdiklərini ən yaxşı söyələbilərlər. Utanması gərəkən biri varsa, o sözdə Fransa demokratiyasıdır. Fransa bilməlidir ki dünya Fransa ordusunun Viyetnam, Cezayir və başqa Afriqa sömürgələrində törədiyi soyqırımları və Fransalı əsgərlərin Əfqanistan və İraq’da işlədikləri cinayətləri unudmayıbdır və Fransa dövləti bu törətdiyi insanlıq cinayətləri qarşısında hesab verməlidir. Biz hələ Fransa’nın siyasi və mali yardımları, İran və Rusya’nın lojistik destəyi və Ermənilərin əli ilə törədilib insaflı vicdanların alnına utanç təri oturdan Qarabağ faciəsini unudmamışıq. Biz hələ Fransalı misyonerlərin planlayıb Erməni çətələrinin hətya keçirdiyi Urmu, Xoy və Salmas qətliamlarını unutmamışıq. Hələ bu toplu cinayətlərin əsərləri qalır və bunlar sözdə Fransa demokratiyasının rüsvalıq sənədləridir.Bizim Türkiyə Cumhuriyəti dövlət adamlarına da bir sözümüz var; bir haldaki illərdir Erməni-Rus lobisi Fransa və Amerikada sözdə Erməni soyqırımı ilə bağlı yalan uydurmaqdadırlar nədən siz Qarabağ və digər Azərbaycan və Anadolu bölgələrində yaşanan Erməni vəhşətini sənədlər və dəlillərlə dünyaya sunmayırsınız? Bir haldaki İran’da hər il Ermənilər İran dövlətinin dəstəyini də alaraq Tehran’da və İsfahan’da yürüyüşlər qururlar, Türk bayraqlarını yandırırlar və soyqırım nümayişləri çıxardırlar, siz nədən səssizsiniz? İranlı dostlarınızın qəlbi mi qırılar yoxsa?! Erməni Daşnaqları və Fransa misyonerlərinin Urmu, Xoy və Salmas’daki cinayətlərinin sənədləri illərdir ki toz yeməkdə, Güney Azərbaycanlı milli fəallarının bu sənədləri Türkiyə’də nəşr etdirmə çabaları faydasız qalıb, İran dövləti bu qanıtları bilincli bir şəkildə yox etməyə çalışır və belənçi bir durumda Türkiyə dövləti və lobisi gecə gündüz Fransa məclisindəki sözdə Erməni soyqırımı layihəsini engəlləməyə cəd edir.      Azərbaycan Milli Dirəniş Təşkilatı Fransa məqamlarının yalançı Erməni iddialarını bir daha məclisə çıxarmasını şiddətlə qınayır və inanır ki Fransa bu işindən dolayı Türkiyə və Azərbaycanlı müsəlman Türklərin qarşısında utanc duymalıdır çünkü müsəlman Türklər Fransa dəstəkli Erməni terorizminin ən böyük qurbanlarıdırlar. Biz inanırıq ki Azərbaycan Türk Milləti tarixdən aldığı dərslər və Fransa dövlətinin işlərini diqqətə alaraq Fransa dövlətinə olan inamını hər keçən gün daha da itirməkdədir və millətimiz bölgədəki gələcək deyişikliklərdə Fransa’nın demokratya ve insan haqları söyləminə şübhə ilə baxacaqdır.Azərbaycan Milli Dirəniş TəşkilatıGüney Azərbaycan  21/12/2011