Contact Us

SON XƏBƏRLƏR

Amerika planlaşdırılan terror aktının qarşısını alıb

2021.10.20, 07:36
Amerika planlaşdırılan terror aktının qarşısını alıb

Gunaz.tv

GünAz TV: ABŞ (Amerika Birləşmiş Ştatları) Əl-Qaidə terror təşkilatının öldürülən rəhbəri Üsama Bin Ladenin ölümünün birinci ildönümünə planlaşdırdığı terror aktının qarşısını alıb.

GünAz TV mətbuat mərkəzinin İTV-yə istinadən yaydığı məlumata görə, Pentaqon rəhbəri Leon Panettanın açıqlamasında deyilir ki, Əl-Qaidənin yəmən qanadı sərnişin təyyarəsini terrorçu-kamikadze(intihari) vasitəsilə partlatmağı planlaşdırmışdı. Partladıcını isə adı çəkilməyən terrorçu paltarlarının altında gizlədəcəkdi. Həmin kamikadzenin təyyarədə sərnişin kimi səyahəti üçün bütün hazırlıqlar da görülübmüş. ABŞ Müdafiə Nazirliyi bu planı necə ifşa etdiyini isə açıqlamır. ABŞ-ın dövlət katibi Hillari Klinton isə beynəlxalq terror şəbəkəsinin yeni rəhbəri Ayman Əz Zəvahiri barədə yeni bəyanatla çıxış edib. Hillari Klinton Zəvahirinin Pakistanda gizləndiyini bildirib. Onun sözlərinə görə, Pakistan daima ABŞ-la terrorçuluğa qarşı mübarizə əməkdaşlıq etmək istədiyini bildirir. İslamabad bunu sübuta yetirmək üçün nümayiş etdirməlidir ki, öz ərazisindən terrorçuların istifadisinə imkan verməyəcək.

Qeyd edək ki, ABŞ 61 yaşlı Zəvahirinin yaxalanması üçün 25 milyon dollar mükafat təyin edib. Pentaqon Zəvahirinin zərərsizləşdirilməsinin Bin Ladendən daha artıq zəhmət tələb edəcəyi fikrindədir. Öz növbəsində Pakistan isə ABŞ-ın bununla bağlı əldə etdiyi kəşfiyyat məlumatlarını bölüşməsini istəyib. Pakistanın Xarici İşlər Nazirliyi vurğulayır ki, Pakistan Zəvahirinin ölkədə olduğuna dair heçbir informasiyaya sahib deyil. ABŞ belə bir məlumat alıbsa, Pakistan rəhbərliyinə bunu təqim etməlidir ki, İslamabad düzgün qərar verə bilsin. Ağ ev isə Pakistanda qaçırılan inkişaf üzrə mütəxəssis Varen Veynsteyinin (Warren Weinstein) qaytarılması müqabilində Əl-Qaidə üzvləri ilə danışıqlar aparılması təklifini rədd edib. Ağ evin mətbuat katib Cey Karni bildirib ki, prezident B.Obama 70 yaşlı amerikalının oğurlanmasını qınayır və onun təcili şəkildə azad olunmasını tələb edir. Əl-Qaidə ilə heç bir danışıqlar aparılmayacağını bildirən Cey Karni Varen Veynsteyin azad edilməsi istiqamətində tədbirlərin görüldüyünü də diqqətə çatdırıb.

N.S

SEÇİLMİŞ XƏBƏRLƏR

Çox oxunanlar