Siyasi şərhçi Zamiq Məmmədlinin GünAz TV mətbuat mərkəzinə Müsahibəsi...

SON XƏBƏRLƏR

Siyasi şərhçi Zamiq Məmmədlinin GünAz TV mətbuat mərkəzinə Müsahibəsi...

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, Praqa Universitetinin əməkdaşı, siyasi şərhçi Zamiq Məmmədlidir.

- Zamiq bəy, Avropa Birliyinin Dağlıq Qarabağ münaqişəsinin həllində fəallığı ilə bağlı təşəbbüsünü necə dəyərləndirirsiniz?

- Avropa İttifaqının Ermənistan-Azərbaycan Dağlıq Qarabağ münaqişəsinin həllində hər hanası bir rol oynamasını ancaq alqışlamaq olar. Bu münaqişənin həllindəki səylər məsələsi, ümumiyyətlə artıq bir mərkəzə - Avropa İttifaqına yönəldilməlidir. 20 ildir Rusiya-ABŞ (Amerika Birləşmiş Ştatları)-Fransa üçlüyünün münaqişənin həllində belə effektiv (təsirli) olmayan fəaliyyətlərini nəzərə alsaq, bu formatda danışıqlardan nə isə nəticə gözləməyə dəyməz. Fikrimcə Azərbaycan rəhbərliyi siyasi iradə göstərib məsələnin həllinə Avropa Birliyini cəlb etməlidir.

- Yəni, düşünürsünüz ki, bu yol öz müsbət təsirini göstərəcək?

- Əgər münaqişə sülh yolu ilə, hər iki tərəf üçün məqbul olan şərtlər çərçivəsində həll oluna biləcəksə bu yalnız Avropa Birliyinin məsələyə müdaxiləsi ilə ola bilər. Çünki Avropada buna bənzər münaqişələr kifayət qədər olub və bu tip münaqişələrin həlli üçün Avropada kifayət qədər modelləri mövcuddur. Avropa Birliyi və ümumilikdə Avropa qitəsində vaxtilə baş vermiş münaqişələr əsasən dövlətlərin ərazi bütövlüyü və etnik qrupların da mədəni muxtariyyətlər əldə etməsi ilə həll edilmişdir.

- Ermənistan buna razı olacaqmı və ümumiyyətlə, separtçı (bölücü) rejim bu gün hansı vəzifəni yerinə yetirir?

- Ermənistanın siyasi rəhbərliyi əlbəttə danışıqlar masasına qondarma "DQR" rəhbərliyini də cəlb etməyə çalışacaq amma Dağlıq Qarabağdakı rejim yerli azərbaycanlıların iştirakı olmadan formalaşmış separatçı cinayətkar rejimdir, onlar İran üzərindən Avropaya silah və narkotik (müxəddir maddələri) qaçaqmalçılığında böyük rol oynayırlar. Rəsmi Bakı Ermənistanla danışıqlardan sonra "DQR"-in Ermənistan tərəfindən yaradılmış və Ermənistandan maliyyələşən qondarma, oyuncaq rejimi ilə nə vaxtsa danışıqlar aparmağa məcbur olarsa bu ancaq Azərbaycanın Daxili İşlər Nazirliyi və ya baş nazirin müavini səviyyəsində olmalıdır. Avropa Birliyi Ermənistan rəhbərliyinin səyəsində narkotik və silah qacaqmalçılığı yuvasına çevrilmiş, nəzarətdən kənar indiki Dağlıq Qarabağ ərazisində Azərbaycanın bağlı legitim (məşru), qanuni yerli özünü idarə sturukturlarının (saxtar, yapısal) yaradılmasında maraqı olmalıdır.

Söhbətləşdi: Elnur Eltürk

GUNAZ.TV

SON XƏBƏRLƏR