İranda Azərbaycan dövləti əleyhinə daha bir çıxış; Ərazi iddiası irəli sürülüb

SON XƏBƏRLƏR

İranda Azərbaycan dövləti əleyhinə daha bir çıxış; Ərazi iddiası irəli sürülüb

2021.10.20, 07:36

Gunaz.tv

GünAz TV: “Şəriət məhkumları” silsiləsindən keçirilən növbəti konfrans, “Azərbaycan Cümhuriyyətində islamçılıq hərəkatının araşdırılması” mövzusunda keçirilib.

Toplantıda “Aran” Beynəlxalq Araşdırmalar və Mədəniyyət İnstitutunun müdiri Həsən Qulu Azərbaycana qarşı ərazisi iddiası ilə çıxış edib. Bu barədə APA İranın KİV-nə (kütləvi informasiya vasitələri) istinadən xəbər yayıb.

O, Azərbaycan Respublikasında (Cümhuriyyət) insan hüquqlarının və dini dözümsüzlüyün, əsasən də müsəlmanlara qarşı diskriminasiya (ayrı-seçkilik) siyasətinin yeridilməsi kimin iddialar səsləndirib: “Dünyanın ikinci şiə müsəlman ölkəsi olan Azərbaycan Respublikasının xalqı üçün İmam Hüseyn əzadarlığının normal keçirilməsi təmin olunmur. Azərbaycan Respublikası tarixi İran ərazisidir, zor gücünə işğal edilib. Bu ərazilərin adı Aran olmasına baxmayaraq, indiki Azərbaycan Respublikasında İrana və şiəliyə qarşı düşmənçilik cərəyanları ortalığa atılıb, indiyə kimi də davam etməkdədir”.

H. Qulu deyib ki, 1937-ci ildə Azərbaycanda müsəlmanlara qarşı repressiya (sərkub) ən yüksək həddə olub: “Bu dövrdə regionda (bölgə) 300 mindən yuxarı şiə qətlə yetirilib, çoxlu sayda ruhani və hətta müctəhid öldürülüb. Məscidləri bağlamaq, İmam Hüseyn əzadarlığını qadağan etmək kommunist rejiminin şiəlik əleyhinə olan digər əməllərindən olub. Təəssüf ki, Azərbaycan müstəqillik qazandıqdan sonra da dinlə mübarizə başqa formada davam etdirilir, Bakı dövləti Misir və Tunisdə diktatorların süqutundan sonra dünyanın ən anti-İslam ölkəsinə çevrilib. Halbuki, bu ölkə İslam Əməkdaşlıq Təşkilatının üzvüdür. Məscidlərin sökülməsini, din alimlərinin dəftərxanalarının açılmasının qadağan olmasını, əzadarlıq heyətlərinin küçələrə çıxmasının qarşısının alınmasını, İranda dini təhsil almış ruhanilər tərəfindən dinin təbliğ olmasına qadağa qoyulması və sair əməllər Bakı dövlətinin islamofobiya siyasətinin göstəricisidir”.

O, İranı Azərbaycan Respublikasının daxili işlərinə qarışmağa da çağırıb: “Bu ölkənin şiələrinin təzyiqlər altında olduğunu demək və onları dəstəkləmək, biz, İran xalqının vəzifələrindən biridir”.

Qeyd edək ki, İran rejiminin qonşu ölkələrin daxili işlərinə müdaxiləsi artıq adi hala çevirilib. Sıra türk ölkəsi olan Azərbaycana gəlincə fars-molla rejimi daha təxribatçı mövqeyə keçir.

GUNAZ.TV

SON XƏBƏRLƏR