Contact Us

SON XƏBƏRLƏR

Birləşmiş Millətlər Təşkilatı Suriyayla bağlı qətnamə qəbul etdi

2021.10.20, 07:36
Birləşmiş Millətlər Təşkilatı Suriyayla bağlı qətnamə qəbul etdi

Gunaz.tv

GünAz TV: BMT-nin (Birləşmiş Millətlər Təşkilatı) İnsan Haqqları Şurası ölkədəki vəziyyəti "kütləvi və sistematik zorakılıq" kimi dəyərləndirib.

Ötən gün BMT-nin İnsan Hüquqları Şurası Suriyada insan hüquqlarının kütləvi və sistematik şəkildə pozulmasına dair qətnamə qəbul edib. 47 üzv dövlətdən ibarət qurumun Suriya hökumətini kəskin şəkildə pislədiyi bu qətnamə, 2 gün əvvəl İnsan Haqqları üzrə ali komissar Navi Pilayın Suriyada 307 azyaşlı uşağın qətlə yetirildiyini xəbər verən bəyanatdan sonra qəbul edilib.

GünAz TV mətbuat mərkəzinin “Anspress”-ə istinadən yaydığı məlumata görə, 37 üzv dövlət qətnamənin lehinə səs verib. 5 ölkə bitərəf qalmağı üstün tutub, 4 ölkə isə qətnamənin əleyhinə səs verib. Onların arasında əvvəldən gözlənildiyi kimi Təhlükəsizlik Şurasının daimi üzvləri Rusiya və Çin yer alır. Adıçəkilən üzv dövlətlərin nümayəndə heyəti Suriyadakı qətliamları pisləsə də, ölkəyə qarşı sanksiyaların (təhrim)  gücləndirilməsini məqsədəuyğun bilməyib. Rusiyanın BMT-dəki səfiri Valeriy Loşşinin Suriyada müxalifətin xarici qüvvələr tərəfindən silahlandığını və təşkilatlandığını iddia edib.

“Bizim əsas etirazımız burada (qətnamədə) insanlığa qarşı cinayətlərdən söz açılmasıdır. Bu, yalnız hökuməti günahlandıran birtərəfli qətnamədir. Hökumət əleyhdarlarının, o cümlədən silahlı hərbi qruplaşmaların - etdikləri göz qabağındadır. Suriyada çox təhlükəli vəziyyət mövcuddur”, deyə Valeriy Lossi qeyd edib.

Suriyanın qurumda təmsil olunan nümayəndəsi Feysəl-Əl Həmvi qətnamənin Suriya xalqının mənafeyinə zidd olduğunu və onun ölkədə mövcud olan böhranın aradan qaldırılmasına heç bir fayda verməyəcəyini bildirib.

ABŞın (Amerika Birləşmiş Ştatları) BMT-dəki səfiri Eylin Çemberleyn Donahoy qətnaməni dəstəkləyərək, Suriya hökumətini sərt tənqid atəşinə tutub. Səfir Əsəd Rejiminin insan qırğınlarında əli olduğunu bildirib və prezidentin getməli olduğunu vurğulayıb.

Qeyd edək ki, BMT-nin son hesabatında mart ayından bəri hökumət əleyinə nümayişlər zamanı 4000-ə yaxın insanın qətlə yetirildiyi bildirilir.

SEÇİLMİŞ XƏBƏRLƏR

Çox oxunanlar