Contact Us

SON XƏBƏRLƏR

İranlı sözçü: “Raketlərin sınaqdan keçirilməsini davam etdirəcəyik”

2021.10.20, 07:36
İranlı sözçü: “Raketlərin sınaqdan keçirilməsini davam etdirəcəyik”

Gunaz.tv

GünAzTV: İran Silahlı Qüvvələrinin sözçüsü Əbülfəzl Şikarçı dekabrın 2-də jurnalistlərə açıqlamasında Amerika rəsmilərinin İranda sınaqdan keçirilmiş yeni ballistik raketi ilə bağlı səsləndirdiyi bəyanatlara reaksiya verib.

 

İranlı sözçünün açıqlaması, ABŞ dövlət katibi Mayk Pompeonun rəsmi Tehranın sınaqdan keçirdiyi yeni orta mənzilli raketi barədə bəyanat səsləndirməsindən bir gün sonraya təsadüf edib.

 

Əbülfəzl Şikarçı bildirib ki, İran raket sınaqlarını keçirmək və özünün raket proqramını inkişaf etdirmək üçün heç bir ölkədən icazə almayacaq: “Biz, həm raketlərin sınaqdan keçirilməsini, həm də raket proqramımızın genişləndirilməsi ilə bağlı fəaliyyətimizi davam etdirəcəyik. Hesab edirəm ki, bizim raketlər, hər hansı bir müzakirə mövzusu ola bilməz. Bu, bizim milli təhlükəsizliyimizlə bağlı olan bir məsələdir. Elə buna görə də, bu barədə heç bir ölkənin icazəsini almayacağıq.

 

Biz, sadəcə olaraq region ölkələrini əmin etmək istəyirik ki, islam respublikasının digər ölkələrin mənafeyində gözü yoxdur. Bizim inkişaf elətdirdiyimiz raket proqramı, yalnız müdafiə və qabaqlayıcı xarakter daşıyır. Biz, həm də Amerika və onun regional müttəfiqlərinə xəbərdarlıq edib bildiririk ki, əgər onlar hansısa bir strateji səhvə yol verib bizə qarşı çıxmaq istəsələr, islam respublikası onlara elə bir şillə vuracaq ki, həmişəlik peşman olacaqlar”.

 

Xatırladaq ki, Mayk Pompeo dekabrən 1-də bəyanat yayaraq bildirib ki, İranın son vaxtlar sınaqdan keçirdiyi yeni ballistik raketi bütün Orta Şərqi və Avropanın müəyyən bir hissəsini hədəfə ala bilər: “İran son vaxtlar nüvə başlığı daşımağa qadir olan orta mənzilli yeni bir ballistik raket sınaqdan keçirib. Bu isə BMT Təhlükəsizlik Şurasının qəbul etdiyi 2231 saylı qətnaməsinə zidd addımdır.

 

 

İranda raket sınaqlarının sayı artmaqdadır. Əgər biz bu sahədə hansısa qabaqlayıcı bir tədbir görməsək, bölgədə getdikcə çaxnaşmanın artması təhlükəsi ilə üzləşəcəyik. Biz, İranın bu addımını pisləyərək, rəsmi Tehrandan nüvə başlığı daşımağa qadir bütün ballistik raketlərlə bağlı fəaliyyətini dərhal dayandırmasını tələb edirik”.

 

A.M

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar