Contact Us

SON XƏBƏRLƏR

Türkiyənin İrana ixracatının həcmi azalmağa davam edir

2021.10.20, 07:36
Türkiyənin İrana ixracatının həcmi azalmağa davam edir

Gunaz.tv

GünAz TV: “Anadolu” xəbər agentliyi Türkiyə Müstəqil Sənayeçilər və İşadamları Dərnəyinə istinadən İran Milli Məclisinin ölkəyə idxal olunan xarici əmtəələrlə bağlı son qərarının Türkiyənin İrana ixrac etdiyi məhsulların həcminə təsir göstərəcəyi barədə xəbərdarlıq edib.

 

İran Milli Məclisinin yanvarın 20-də İranın daxilində də münasib keyfiyyət və həddə istehsal edilən oxşar istehlak və uzunmüddətli dayanıqlığı olan məhsulların idxalı barədə qəbul etdiyi qərara əsasən, 2021-ci ilin əvvəllərinə qədər onların ölkəyə gətirilməsi qadağan edilir.

 

Dərnəyin nümayəndəsi Fateh Çayabatmazın sözlərinə görə, İran Milli Məclisinin bu qərarı 2019-cu ildə davam etdiyi təqdirdə, Türkiyənin İrana ixracatı azalacaq və ölkə şirkətləri bu prosesdən ziyan görəcəklər.

 

O, İranın 2018-ci ilin əvvəllərində Amerikanın sanksiyalarına görə 1399 adda məhsulun idxalını qadağan etdiyini deyib. Bu məhsullardan 61 növü Türkiyədən idxal edilən əmtəələri ehtiva edir.

 

İran ilə Türkiyə arasında 2015-ci ildə imzalanmış ticari müqavilədə bu qadağan edilmiş 61 adda məhsulun da idxal edilməsinin nəzərdə tutulduğunu deyən Çayabatmaz rəsmi Tehranın son qərarının həmin müqavilə ilə ziddiyyət təşkil etdiyini qeyd edib. İranın bu qərarı həmçinin Türkiyədən bu ölkəyə ixrac edilən məhsulların 30% azalmasına səbəb olub.

 

Fateh Çayabatmaz həmçinin İranın bu qərarının iki ölkə arasındakı ticari əlaqələrə ciddi təsir göstərəcəyini, hətta Türkiyədən bu ölkəyə edilən ixracatın tamamilə dayana biləcəyi barədə də xəbərdarlıq edib.

 

Qeyd edək ki, prezident Ərdoğan da daxil olmaqla, Türkiyə rəsmiləri dəfələrlə Amerikanın İrana qarşı tətbiq etdiyi sanksiyalara qoşulmayacaqlarını bəyan etsələr də, rəsmi Tehranın idxal edilən məhsullar barədə son qərarı Türkiyə tərəfini narazı salıb.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar