Suriya hökumətinə qarşı yeni sanksiyalar (təhrimlər) qəbul edildi

SON XƏBƏRLƏR

Suriya hökumətinə qarşı yeni sanksiyalar (təhrimlər) qəbul edildi

2021.10.20, 07:36

Gunaz.tv

GünAz TV: Avropa Birliyi Suriyaya qarşı yeni sanksiyalar (təhrimlər) paketini qəbul edib. ABŞ (Amerika Birləşmiş Ştatları) da öz növbəsində Suriyadakı iri şirkətlərə və ayrı-ayrı şəxslərə qarşı sanksiyalar tətbiq edib.

Avropa Birliyi Suriya hökumətindən bütün qoşunları və ağır texnikanı şəhərlərdən çıxarmağı və beynəlxalq humanitar (insani) təşkilatların ölkə ərazisinə daxil olmasına şərait yaratmağı tələb edir. Bu barədə xarici işlər nazirlərinin görüşünün nəticələrindən danışan qurumun xarici işlər və təhlükəsizlik siyasəti üzrə ali komissarı Ketrin Eşton bəyanat verib. ABŞ Avropa Birliyinin bu ölkəyə qarşı tətbiq etdiyi yeni sanksiyaları müsbət qarşılayıb.

ABŞ hökuməti də İran və Suriyadakı şirkətlərə və ayrı-ayrı şəxslərə qarşı sanksiyalar tətbiq edib. «Onlar internetdən və digər informasiya texnologiyalarından istifadə etməklə güc sturukturlarına (saxtar, yapısal) vətəndaşlara və siyasi müxalifətə qarşı repressiyalar (sərkub) həyata keçirirlər». Bunu isə ABŞ prezidenti Barak Obama deyib. Müxalif Suriya Milli Şurası Annan planı ilə işləməyə və onun uğur əldə etməsinə şans verməyə hazırdır. Bunu Qahirədə səfərdə olan şuranın rəhbəri Burhan Qalyun Misirin xarici işlər naziri Məhəmməd Kamal Əmrlə görüşündən sonra bildirib. Qalyunun sözlərinə görə misirli nazirlə görüşdə müzakirə olunan əsas məsələ Qahirənin Suriya inqilabında oynaya biləcəyi rol olub. Müxalifət liderinin sözlərinə görə İranın yardımı və Rusiyanın siyasi pərdəsi olmasaydı, Suriya rejimi çətin ki, zorakılığı davam etdirməyə cürət edərdi. O, həmçinin, qeyd edib ki, Bəşər Əsəd rejiminin əleyhdarlarının silahlandırılması məsələsi Kamal Əmrlə müzakirə olunmayıb.

N.S

GUNAZ.TV

SON XƏBƏRLƏR