Contact Us

SON XƏBƏRLƏR

Suriyaya müdaxilə ehtimalı artıb

2021.10.20, 07:36
Suriyaya müdaxilə ehtimalı artıb

Gunaz.tv

GünAz TV: ABŞ (Amerika Birləşmiş Ştatları) dövlət katibi Hillari Klinton Ankaranın 4-cü maddənin tətbiqi barədə müraciət edəcəyini açıqlayıb, Suriyaya müdaxilə ehtimalı artıb.

Suriyada atəşkəsə nail olmaq üçün BMT-nin (Birləşmiş Millətlər Təşkilatı) xüsusi elçisi Kofi Annanın planının uğursuzluğa düçar olmasının ardınca bu ölkəyə qarşı hərbi müdaxilə imkanı yaranıb. ABŞ dövlət katibi Hillari Klinton bəyan edib ki, Türkiyə Suriya qüvvələrinin onun ərazisini atəşə tutması ilə bağlı NATO-nun məsləhətləşmələrə başlaması üçün müraciət etməyə hazırlaşır.

“Türkiyə NATO-nun qurulmasına dair Vaşinqton müqaviləsinin 4-cü maddəsinin tətbiqi barədə rəsmi müraciət etməyə hazırlaşır.

Həmin maddəyə görə, əgər alyans (ittihad, birlik) üzvlərindən birinin təhlükəsizliyinə, ərazi və siyasi bütövlüyünə təhdid yaranarsa NATO məsələhətləşmələr keçirməlidir” deyə, H.Klinton bildirib. Bundan əvvəl NATO Baş katibi Andres Foq Rasmussen Türkiyənin hələ belə müraciət etmədiyini açıqlamışdı. NATO müqaviləsinin 4-cü və 5-ci bəndləri alyans üzvlərindən birinin kollektiv müdafiəsini təmin edir. 5-ci bənd ilk dəfə 11 sentyabr (September) hücumlarından sonra ABŞ-ın istəyi ilə tətbiq edilib. Suriya qüvvələri dəfələrlə Türkiyə ilə sərhəddə müxaliflərə qarşı əməliyyatlar zamanı bu ölkənin ərazilərinə atəş açıb, sərhəd bölgəsində suriyalı qaçqınların düşərgəsində ölənlər də olub. ABŞ dövlət katibi onu da deyib ki, Vaşinqton BMT nizamnaməsinin 7-ci bəndi əsasında Suriya rejiminə qarşı qətnamənin də qəbul edilməsinə çalışacaq. Bu bənd beynəlxalq təhlükəsizliyi və sülhü təhdid edən ölkələrə qarşı hərbi müdaxilənin yolunu açır. “Foreign Policy” jurnalı isə Vaşinqtondakı rəsmilərə istinadən yazıb ki, Türkiyə ilə ABŞ arasında Suriyada tampon ( buffer) bölgə yaradılmasına dair müzakirələr gedir. Hazırda Suriya rejimi Annan planını qəbul etdiyini bildirməsinə baxmayaraq ölkə boyu etirazçılara qarşı ordudan istifadə edir, şəhərlər atəşə tutulur və hər gün onlarla adam öldürülür. Yeni müsavat

N.S

SEÇİLMİŞ XƏBƏRLƏR

Çox oxunanlar