Ermənilər qondarma soyqırıma görə 15 milyard dollar tələb edirlər

SON XƏBƏRLƏR

Ermənilər qondarma soyqırıma görə 15 milyard dollar tələb edirlər

2021.10.20, 07:36

Gunaz.tv

GünAz TV: Erməni diasporu qondarma “erməni soyqırımı” ilə bağlı təzminat tələbini dilə gətirməyə başlayıb.

aprelin 12-də BMT-də (Birləşmiş Millətlər Təşkilatı) qondarma “erməni soyqırımı” ilə bağlı keçirilən simpoziumda çıxış edən erməni rejissor Karla Karapedyan 1915-ci il hadisələri ilə bağlı Türkiyənin 15 milyard dollar təzminat ödəməsi gərəkdiyini söyləyib. O iddia edib ki, bu, təkcə 1915-ci ildə həyatlarını itirmiş ermənilərlə bağlı təzminatın həcmidir, bura ermənilərin Türkiyədə qalan mal və mülkləri daxil deyil. Karla Karapedyan 1915-ci ildə Türkiyədə 1,5 milyon erməninin öldürüldüyünü iddia edib. Erməni rejissor bu rəqəmi Almaniyanın 1950-ci ildən bəri 6 milyon yəhudinin soyqırımına məruz qalması ilə bağlı 60 milyard dollar təzminat ödəməsinə əsaslanaraq söylədiyini bildirib. Bu barədə Lent.az “haberturk.com” saytına istinadən məlumat yayıb.

Erməni əsilli yazar Harut Sassouniyan isə BMT-də tədbir keçirdikləri zaman iki türk diplomat tərəfindən tədbirin keçirilməsinə maneçilik törədilməsinə cəhd göstərildiyini və bununla bağlı BMT baş katibi Pan Gi Muna şikayət məktubu göndərdiklərini söyləyib. N.S

GUNAZ.TV

SON XƏBƏRLƏR