Azərbaycan xarici vətəndaşlara viza verilməsi prosedurunu sərtləşdirdi

SON XƏBƏRLƏR

Azərbaycan xarici vətəndaşlara viza verilməsi prosedurunu sərtləşdirdi

2021.10.20, 07:36

Gunaz.tv

GünAzTv: Vizaların rəsmiləşdirilməsi proseduruna yeni dəyişikliklər bu gündən qüvvəyə minib.

Azərbaycana gələn əcnəbilərə və vətəndaşlığı olmayan şəxslərin vizaların rəsmləşdirilməsi prosedurunda yeni dəyişikliklər bu gündən qüvvəyə minib. ANS PRESS-in xəbərinə görə, bu barədə məlumat Xarici İşlər Nazirliyinin rəsmi internet saytında yerləşdirilib.Məlumatda dünyanın müxtəlif bölgələrində baş verən xəstəliklərdən və ya baş vermə ehtimalı olan epidemiya, pandemiya təhlükəsindən qorunmaq məqsədilə xarici ölkələrə səfər edən Azərbaycan Respublikası vətəndaşlarının və xaricdən Azərbaycana gələn şəxslərin müvafiq peyvənd, vaksinasiya və müayinədən keçməsi tövsiyə olunur. Göstərilən şəxslər bu məqsədlə profilaktik tədbirlərinin görülməsi üçün Azərbaycan Respublikası Səhiyyə Nazirliyinin təyin etdiyi poliklinikaya müraciət edə bilərlər. Qeyd edək ki, Azərbaycan prezidenti İlham Əliyevin 13 sentyabr 2010-cu il tarixli Fərmanına əsasən, əcnəbilər və vətəndaşlığı olmayan şəxslər yalnız aşağıdakı hallarda viza alınması üçün ərizə ilə birbaşa Azərbaycan Xarici İşlər Nazirliyinə (Azərbaycanın beynəlxalq hava limanlarında viza şöbəsi) müraciət edə bilərlər: - Azərbaycan Respublikasının dövlətlərarası və ya hökumətlərarası müqavilələrində nəzərdə tutulmuş hallarda; - Azərbaycan Prezidentinin, Baş nazirinin, Milli Məclis sədrinin, Prezident Administrasiyası rəhbərinin, Naxçıvan Muxtar Respublikası Ali Məclisi sədrinin rəsmi dəvəti ilə Azərbaycana gəldikdə; - Azərbaycan Respublikası Konstitusiya Məhkəməsi sədrinin, Ali Məhkəmə sədrinin, baş prokurorun, insan hüquqları üzrə müvəkkilin (ombudsman), Mərkəzi Seçki Komissiyası sədrinin, mərkəzi icra hakimiyyəti orqanı rəhbərinin Azərbaycan Respublikasının Dövlət Miqrasiya Xidməti ilə razılaşdırılmış rəsmi dəvəti əsasında Azərbaycan Respublikasına gəldikdə; - xarici ölkələrin Azərbaycan Respublikasında fəaliyyət göstərən diplomatik nümayəndəlik və konsulluqlarının, habelə beynəlxalq təşkilatların nümayəndəliklərinin əməkdaşları, inzibati-texniki xidmət heyətinə daxil olan şəxslər və onların ailə üzvləri, həmçinin, əcnəbilər xüsusi diplomatik missiya ilə Azərbaycan Respublikasına gəldikdə; - fövqəladə halların nəticələrinin aradan qaldırılmasında iştirak etmək məqsədilə Azərbaycan Respublikası Fövqəladə Hallar Nazirliyinin rəsmi təqdimatı əsasında Azərbaycan Respublikasına gəldikdə; - Azərbaycan Respublikasında yaşayan, ailə üzvünün vəfatı ilə əlaqədar Azərbaycan Respublikasına gəldikdə (ailə üzvünün vəfatını təsdiq edən sənəd əsasında).

GUNAZ.TV

SON XƏBƏRLƏR