Contact Us

SON XƏBƏRLƏR

İranda hərbi xidmətdən yayınanların sayı artır

2021.10.20, 07:36
İranda hərbi xidmətdən yayınanların sayı artır

Gunaz.tv

GünAzTv: İranda hərbi xidmətdən yayınmaların böyük rəqəm təşkil etdiyi üzə çıxmışdır. Gənclər bu hakimiyyəti qorumaq üçün xidmətə vaxt sərf etmək istəmir və xarici ölkələrə üz tuturlar.

Dövlət isə bu rəqəmin böyüklüyünü görüb, onlardan pul qoparmaq niyyətinə düşüb. Bunun yolları da müəyyən edilib. "RİA-Novosti"nin məlumatında bildirilib ki, İran polisi çağırış yaşına çatan ölkə vətəndaşlarını tibbi müayinədən keçirmək üçün xarici ölkələrə səfər edəcək. Yoxlama əsasən xəstəliyə görə hərbi xidmətdən azad edilmişlərlə aparılacaq.İran hüquq-mühafizə keşikçiləri qüvvələrinin ictimai məsələlər təşkilatının başçısı, general Həmid Sədrüs-Səadət bununla bağlı deyir: "Xaricə gedən həmin həkimlər xəstəliyinə və ailə vəziyyətinə görə hərbi xidmət etməyənlərin ərizələrinə baxacaq".Onun sözlərinə görə, bu tədbir çağırışçıların "vaxtına və vəsaitinə qənaət etmək üçün keçirilir". İran XİN-in əldə etdiyi razılaşmaya əsasən, həkimlər İran vətəndaşlarının daha çox yaşadığı ABŞ, Britaniya, Almaniya, Malayziya, Birləşmiş Ərəb Əmirlikləri, Kanada və Avstraliyaya səfər edəcəklər.General qeyd edib ki, uzun müddət xaricdə yaşayan İran vətəndaşlarının hərbi xidmətdən azad edilmələri üçün müəyyən edilmiş mexanizm mövcuddur. "Bu şəxslər hərbi xidmətdən azad olmaq üçün müəyyən edilmiş məbləğdə maliyyə vəsaiti ödəməlidir. 2003-cü ilin martındək İranı tərk edib, iki il ərzində xaricdə bir yerdə 9 ay yaşayanlar hərbi xidmətdən azad olmaq üçün 10 milyon tümən (8 min manat) məbləğində pul ödəməlidir", - deyə H.Sədrüs-Səadət xatırlatmışdır.Ölkə Silahlı Qüvvələrinin sayı 350 min nəfərdir. Orduya əsasən kişilər çağırılır. Xidmət müddəti 17 aydan 20 aya qədərdir. Çağırış məsələləri ilə hüquq-mühafizə keşikçiləri qüvvələri məşğul olur. Bu qurum dinc dövrdə ölkənin Daxili İşlər Nazirliyinə tabedir. Fövqəladə hallarda isə ölkə hərbi rəhbərliyinin tabeliyinə verilir.Qanunlara əsasən, ali təhsil alanlar, ailə vəziyyəti ağır olanlar həqiqi hərbi xidmətdən azad edilir. Əgər çağırış yaşına çatmış İran vətəndaşı hərbi xidmət keçməzsə, iş tapa, xaricə gedə, qeydiyyata alınmadığından hətta ailə qura bilməz. Ayna

 

 

SEÇİLMİŞ XƏBƏRLƏR

Çox oxunanlar