GünAzTv: Azərbaycan prezidenti İlham Əliyev bəyan edib ki, “Biz Dağlıq Qarabağın yekun statusunun müəyyən edilməsi üçün danışıqları davam etdirmyə hazırıq”

Prezident İlham Əliyev Nyu-Yorkda keçirilən BMT Baş Assambleyasının  65-ci sessiyasında iştirak etmək üçün ABŞ-da işğüzar səfərdədir. Səfər çərçivəsində dövlət başçısı ABŞ dövlət katibinin Avrasiya energetika məsələləri üzrə nümayəndəsi Riçard Morninqstar ilə görüşüb. Danışıqlarda Azərbaycan ilə ABŞ arasında energetika sahəsində əməkdaşlıq və Ermənistan-Azərbaycan Dağlıq Qarabağ münaqişəsinin nizama salınması ilə bağlı məsələlər müzakirə olunub. Görüşdə ABŞ dövlət katibinin Avropa və Avrasiya məsələləri üzrə müavini Filip Qordon da iştirak edib.Qeyd edək ki, Nyu-Yorkda, Birləşmiş Millətlər Təşkilatının mənzil-qərargahında təşkilatın Baş Məclisinin 65-ci sessiyası çərçivəsində ümumi müzakirələr başlayıb. Azərbaycan Respublikasının Prezidenti İlham Əliyev BMT Baş Məclisinin 65-ci sessiyasında çıxış edib. “Azərbaycan davamlı inkişaf, dünyada fundamental azadlıqların, beynəlxalq sülhün və təhlükəsizliyin qorunmasında BMT-nin mərkəzi rolunu tanıyır", bunu Azərbaycan prezidenti İlham Əliyev BMT-nin Baş Assambleyasının 65-ci iclasındakı çıxışı zamanı bildirib.Prezident qeyd edib ki, Azərbaycan hesab edir ki, BMT güclü və dünyanın istənilən hissəsindəki mürəkkəb qlobal problemləri həll etməyə qadir olmalıdır.İlham Əliyev qeyd edib ki, Azərbaycan və Ermənistan arasında davam edən silahlı münaqişə beynəlxalq və regional təhlükəsizliyə ciddi təhlükə yaratmaqda davam edir: "Beynəlxalq ictimaiyyət Azərbaycanın işğal olunmuş ərazilərində etnik təmizləmə həyata keçirilməsi, ağır cinayətlərin əsas məsuliyyətini Ermənistanın üzərində olduğunu tanıyıb".Prezident daha sonra bildirib ki, BMT Təhlükəsizlik Şurası dörd qətnamə qəbul edib və Azərbaycanın suverenliyi və ərazi bütövlüyünə tam dəstəkləyib və ərazi əldə etmək üçün gücdən istifadə etməyin yolverilməzliyini bəyan edib. O, həmçinin BMT-nin Dağlıq Qarabağın Azərbaycan hissəsi kimi tanımasını və ölkənin bütün işğal olunmuş ərazilərdən işğalçı qüvvələrin dərhal və qeyd-şərtsiz çıxarılmasını qeyd edib. BMT Baş Assambleyası, ATƏT və Avropa Şurası da daxil olmaqla digər beynəlxalq təşkilatlar, Avropa Parlamenti, İslam Konfransı Təşkilatı buna oxşar qətnamələr qəbul ediblər. “Təəssüf ki, beynəlxalq ictimaiyyətin öz mövqeyini bəyan etməsinə baxmayaraq, Azərbaycan torpaqları hələ də işğal altında qalmaqda davam edir. Ermənistan vicdanla danışıqlar aparmaq əvəzinə gözlənilməz nəticələri ilə təhlükəli olan daha da böyük gərginlik yaratmaq siyasəti yolunu tutub”, - prezident bildirib.

Dövlət başçısı həmçinin bildirib ki, Ermənistan işğal olunmuş ərazilərdə Azərbaycanın mədəni və tarixi köklərini sübut edən tarixi və mədəniyyət abidələrini məhv etmək siyasəti aparır.

”Dağlıq Qarabağ və ətraf rayonlarda silahlı münaqişənin nizamlanması bizim üçün əsas problem olaraq qalır”.

Azərbaycan prezidenti regionda sülh və sabitliyə nail olmaq üçün ATƏT-in Minsk qrupunun sülhməramlı missiyasının genişləndirilməsinə ümid etdiyini bildirib. Münaqişənin həlli müəyyən vaxt çərçivəsində işğal olunmuş ərazilərindən erməni silahlı qüvvələrinin çıxarılması, bütün kommunikasiyaların bərpası, Dağlıq Qarabağ üçün bir keçid statusun verilməsi, beynəlxalq təhlükəsizlik zəmanətlərin tətbiq olunması, bütün qaçqınların və məcburi köçkünlərin geri qayıtmasından ibarətdir: “Biz Azərbaycanın tərkibində Dağlıq Qarabağın yekun statusunun müəyyən edilməsi üçün danışıqları davam etməyə hazırıq”. İTV