Contact Us

SON XƏBƏRLƏR

Almaniya nazirindən Türkiyəyə gözlənilməz dəstək

2021.10.20, 07:36
Almaniya nazirindən Türkiyəyə gözlənilməz dəstək

Gunaz.tv

GünAzTv: Alman hökuməti Ankaranı AB-də görmək istəməsə də, xarici işlər naziri Türkiyənin üzvlüyünü vacib sayır.

Almaniyanın xarici işlər naziri Quido Vestervel Avropa Birliyini Türkiyə ilə aparılan üzvlük müzakirələrini sürətləndirməyə çağırıb. Nazir ABŞ-ın nüfuzlu «Wall Street Journal» qəzetinə verdiyi açıqlamada bildirib ki, 12 sentyabrda referendumda təsdiqlənən konstitusiya dəyişikliklərini nəzərə alaraq Avropanın son siyasi islahatların ardından Ankaraya müsbət bir siqnal göndərməsi lazımdır.

Türkiyənin artan qüdrətini etiraf edən Q.Vestervel AB-nin Türkiyənin artan iqtisadi gücünü və strateji əhəmiyyətini kiçik hesab edərək görməməzliyə vura bilməyəcəyini ifadə edib. Alman nazir «Bütün bu səylərdən sonra heç kim üzünə qapını bağlayaraq Türkiyəyə qarşı kobud davranmamalıdır» deyə xəbərdarlıq edib. Q.Vestervel bu sözləri ötən il Almaniyanın xarici işlər naziri təyin olunandan bu yana xarici bir qəzetə verdiyi ilk müsahibəsində dilə gətirib. Türkiyənin Avropa Birliyi ilə 2005-ci ildə başlatdığı tam üzvlük müzakirələrində bu ana qədər 35 bölmədən yalnız 13-ü üzrə müzakirələr açılıb. Bu bölmələrdən yalnız biri, kiçik həcmli «Elm və Tədqiqat» bölməsi üzrə müzakirələri tamamlamaq mümkün olub. Q.Vestervelin müsahibəsini şərh edən «Wall Street Journal» qəzeti isə «Avropanın Ankara ilə inteqrasiya olunması çağırışı»nın Almaniya xarici işlər nazirini Türkiyənin AB-yə tam üzvlüyünə qarşı çıxan Fransa və Avstriya kimi ölkələrlə qarşı-qarşıya qoya biləcəyini yazıb. «Wall Street Journal»-ə görə, Q.Vestervelin çağırışı lideri olduğu Azad Demokrat Partiyası ilə koalisiya tərəfdaşı Xristian Demokrat Birlik partiyaları və kansler Anjela Merkel arasında yeni bir gərginliyə də yol aça bilər. Azad Demokrat Partiyası Almaniyada ötən il keçirilən seçkilərdə tarixində ən uğurlu nəticəni əldə edərək koalisiya tərəfdaşı olub. Amma o dövrdən bu yana koalisiya tərəfdaşları arasında, xüsusilə iqtisadi siyasətdən qaynaqlanan problemlər mövcuddur. Hökumətə xalq dəstəyinin azaldığı bir vaxtda Almaniyada aparılan son ictimai rəy sorğusu ölkədə bu gün ümumi seçkilər keçiriləcəyi halda Quido Vestervelin lideri olduğu Azad Demokrat Partiyasının parlamentə düşməkdə çətinlik çəkəcəyini göstərir. Bizim yol

SEÇİLMİŞ XƏBƏRLƏR

Çox oxunanlar