Rəfsəncani siyasi məhbusların vəziyəti ilə bağlı dini rəhbərlə danışacaq

SON XƏBƏRLƏR

Rəfsəncani siyasi məhbusların vəziyəti ilə bağlı dini rəhbərlə danışacaq

2021.10.20, 07:36

Gunaz.tv

GünAzTv: İranın ən önəmli siyasi liderlərindən biri olan “Xobrəqan” məclisinin başqanı Əkbər Haşimi Rəfsəncani prezident seçkilərindən sonra baş verən etirazlar zamanı həbs olunan siyasilərin ailələ üzvləri ilə görüşüb.

Bu görüşdə Rəfsəncani siyasi məhbusların ailə üzvlərinə bildirib ki, məhbusların vəziyəti barədə Ali Dini Rəhbər Ayətullah Əli Xamenei ilə görüşündə məsələ qaldıracaq və onların problemlərini rəhbərə çatdıracaq.

Rəfsəncaninin rəsmi veb saytı bu barədə məlumat verilərək bildirilir ki, “o, siyasi məhbuslrın ailələri ilə 3.5 saat görüşüb və bu görüşdə məhbusların işlərinə ədalətli baxılacağını ümid edərək həbsxanalarda məhbusların hüquqlarının qorunmasını tələb edib”. O, görüş zamanı məhbusların ailələrinə bildirib ki, “sizin istəklərinizi yetkili məmurlara çatdırsam da münasib cavab əldə edilə bilməyəcək. Bəlkə də əks nəticə alınacaq”. Bu səbəbdən Rəfsəncani istəkləri bir başa Ali Dini Rəhbərlə danışacağına söz verib.

Xatırladaq ki, siyasi məhbusların ailələri hüquq mühafizə orqanlarının siyasi məhbuslarla pis davranması və onların həbs olunma şəraitinə etiraz edərək bildirirlər ki, məhbusların hüquqları bir çox sahələrdə pozulur. Bununla bağlı 220 siyasi və ictimai fəal bəyanat verərək siyasi məhbusların hüquqlarının pozulmasına öz etirazlarını bildirib. Onlar bu bəyanatda hüquq mühafizə orqanlarını qanunları düzgün icra etməyə və siyasi məhbusları azadlığa buraxımağa çağırırlar.

İran hüquq mühafizə orqanlarının bildirdiyinə görə son prezidet seçkilərindən sonra ölkədə minlərlə siyasi fəal həbs olunub. Onların bir hissəsi azadlığa buraxılsa da hələ də zindanlarda bir çox siysi məhbus saxlanılmaqdadır. Beynəlxalq hüquq müdafiəçiləri də insanları siyasi əqidələrinə görə həbs etməyi ciddi şəkildə pisləyərək onların azadlığa buraxılmasını tələb edib. Araztm

GUNAZ.TV

SON XƏBƏRLƏR