Contact Us

SON XƏBƏRLƏR

Azərbaycan-Türkmənistan arasında münasibətlər getdikcə yaxınlaşır

2021.10.20, 07:36
Azərbaycan-Türkmənistan arasında münasibətlər getdikcə yaxınlaşır

Gunaz.tv

GünAzTv: Türkmənistan prezidenti Qurbanqulı Berdımuhəmmədov İstanbulda mətbuat konfransında bildirib ki, Ölkələrimiz arasında həlli olmayan məsələlər yoxdur.

Türkmənistan istənilən istiqamətdə müxtəlif layihələri, o cümlədən "Nabucco" vasitəsilə Avropaya qaz ixracı layihəsini Azərbaycanla birgə həyata keçirmək üçün real perspektiv olduğuna şübhə etmir. Bu barədə Türkmənistan prezidenti Qurbanqulı Berdımuhəmmədov İstanbulda mətbuat konfransında jurnalistlərin Transxəzər qaz kəməri layihəsinin həyata keçirilməsinin mümkün olub-olmadığı barədə sualına cavabında bildirib. "Bu istiqamətdə ümumi birgə işin fəallaşdırılmasında bütün Xəzəryanı dövlətlər maraqlıdır. Və hazırda məhz Azərbaycan və Türkmənistan ikitərəfli dostluğun və qarşılıqlı səmərəli əlaqələrin inkişaf etdirilməsinə ən konstruktiv münasibət nümayiş etdirir. Ölkələrimiz arasında həlli olmayan məsələlər yoxdur. Hər iki dövlətin rəhbərliyinin bütün məsələləri qarşılıqlı səmərəli şərtlərlə həll etmək üçün həm siyasi iradəsi, həm də istəyi var", - deyə o bildirib. GünAzTv mətbuat mərkəzinin “Ayna” qəzetinə istinadən yaydığı məlumata görə, Öz növbəsində Türkiyənin energetika naziri Taner Yıldız bildirib ki, Türkiyə, Türkmənistan və Azərbaycan "Türkmən qazının Xəzər vasitəsilə Azərbaycana və oradan xarici bazarlara uzunmüddətli ixracının həyata keçirilməsi üçün bir sıra düsturlar işləyib hazırlamaq niyyətindədirlər. Bu bəyanat Yıldızın Azərbaycan və Türkmənistandan olan həmkarları Natiq Əliyev və Bayramgəldi Nedirovla görüşündən sonra səslənib. Danışıqlar İstanbulda türkdilli dövlət başçılarının X sammiti çərçivəsində aparılıb. Yıldızın sözlərinə görə, Türkiyə Xəzərin Türkmən şelfindən Malayziyanın "Petronas" şirkəti tərəfindən çıxarılan qazı almağı nəzərdə tutur. "Müxtəlif səbəblərdən Transxəzər qaz kəməri layihəsi hələ həyata keçirilməyib. Buna görə şərqdən qərbə enerji nəqli layihəsi tam işə salınmayıb. Digər tərəfdən, biz əminik ki, yaxın aylarda "Nabucco" tipli yeni regional layihələrin dəstəklənməsi haqqında saziş imzalayacağıq", - deyə Taner Yıldız qeyd etmişdir.

SEÇİLMİŞ XƏBƏRLƏR

Çox oxunanlar