Qəzvində su böhranı: 194 kəndin əhalisi içməli su qıtlığı çəkir

SON XƏBƏRLƏR

Qəzvində su böhranı: 194 kəndin əhalisi içməli su qıtlığı çəkir

2021.10.23, 08:20

Gunaz.tv

Bununla yanaşı bir sıra bölgələrdə, özəlliklə Abyek şəhərində içməli su çatışmır. Üstəlik əhaliyə az miqdarda verilən su da keyfiyyətsizdir.

Buna baxmayaraq, bölgənin su çatışmazlığının aradan qaldırılması üçün 2017-ci ildə tikintisi nəzərdə tutulan Taliqan su bəndinin inşası da yarımçıq qalıb.

Layihənin layihənin yarımçıq qalmasına səbəb vəsasit çatışmazlığıdır.

“Qəzvin əyaləti üçün əhəmiyyətli və həyati məsələ olan layihənin icrasına lazım olan vəsaitin ödənilməsi dövlətin imkanından xaric olduğu üçün iş gecikib”-deyə, Qəzvin əyalətinin valisi Hidayətullah Camalipur mediaya verdiyi açıqlamada bildirib.

Camalipur hal-hazırda layihənin icrasının özəl sektora verildiyini və icra xərclərinin 60 milyard tüməndən 270 milyard tümənə artdığı üçün yeni mali qaynaqlar axtardıqlarını qeyd edib.

Qəzvin, Abyek və Əlborz mahallarının İran parlamentindəki nümayəndəsi Lütfüllah Siyahkəli Muradi də, layihənin icrası üçün dövlətin vəsait ayırmaq gücündə olmadığını və problemin həlli üçün özəl banklardan biri ilə andlaşma imzalandığını deyib.

O, əyalətin su qaynaqlarından düzgün istifadə edilmədiyini bildirib. Onun sözlərinə görə, yarıtmaz idaretmə nəticəsində Qəzvin düzənliyində torpaq çökməsi böhran həddinə çatıb.

Lütfüllah Siyahkəli Muradi əlaqədar qurumların və məsulların bu günə kimi problemin həllinə çalışmadığını vurğulayıb.

Qəzvin əyalətinin Regional Su Şirkətinin başçısı Yədulla Məliki isə bildirib ki, bu günə kimi layihənin icrası üçün 160 milyard tümən vəsait əldə edə biliblər.

“İşin davam etməsi üçün daha 100 milyard tümənə ehtiyac var və layihənin sonuna qədər lazim olan vəsaitin 300 milyard tümənə kimi yüksələcəyi proqnozlaşdırılır”-deyə, Məliki qeyd edib.

Məlikinin sözlərinə görə, “Taliqan” su bəndi layihəsinin tamamlanmasından sonra əyalətin su çatışmazlığı olan bölgələrinə su ötürülməsi işlərinin görülməsi üçün 3 il vaxt və 2600 milyard tümən budcə lazımdır.

C.E

هدایت‌الله جمالی‌پور استاندار قزوین شد - قدس آنلاین | پایگاه خبری - تحلیلی
Hidayətullah camalipur-vali

GUNAZ.TV

SON XƏBƏRLƏR