Contact Us

SON XƏBƏRLƏR

İran mətbuat azadlığına görə 180 ölkə arasında 178-ci yerdədir

2022.05.03, 12:46
İran mətbuat azadlığına görə 180 ölkə arasında 178-ci yerdədir

Gunaz.tv

Sərhədsiz Reportyorlar Təşkilatı Ümumdünya Mətbuat Azadlığı Günü ilə əlaqədar Ümumdünya Mətbuat Azadlığı İndeksini açıqlayıb.

Ümumdünya Mətbuat Azadlığı Günündə Sərhədsiz Reportyorlar Təşkilatı dünyada media azadlığının reytinqini açıqladığı hesabatda İranın dünyanın 180 ölkəsi arasında 178-ci yerdə olduğunu bildirib.

180 ölkədə mətbuat azadlığının vəziyyətini araşdıran cədvəl şiddətli münaqişələrin, eləcə də hökumətin repressiyalarının jurnalistlərin işləməsinə necə mane olduğunu göstərir.

Mətbuat azadlığı baxımından ən pis ölkələr əvvəlki illərdə olduğu kimi Eritreya və Şimali Koreyadır (180 və 179). Bu iki ölkədə hökumət bütün informasiya mənbələrinə tam nəzarət edir.

Reytinq cədvəlində iran sondan üçüncü yeri tutaraq ötən ilə nisbətdə daha üç pillə aşağı düşüb.

Əvvəlki illərdə olduğu kimi, Şimali Avropa ölkələri media azadlığı cədvəlində ilk yerləri tuturlar. Siyahıya ardıcıl olaraq altıncı ildirki Norveç başçılıq edir, üçüncü yerdə Danimarka və İsveç gəlir. Estoniya isə dördüncü yerdədir.

Çin 180 ölkə arasında 175-ci yerdədir. Bu, hər şeydən əvvəl internetə senzura, eləcə də ölkə daxilində və xaricdə hökumətin nəzarəti və təbliğatı ilə bağlıdır.

Sərhədsiz Reportyorlar Təşkilatı mətbuat azadlığının təsnifatı üzrə metodologiyasındakı dəyişikliyi nəzərə alaraq, yeni cədvəlin əvvəlki cədvəllə yalnız qismən müqayisə oluna biləcəyini deyir. 

Media nümayəndələrinin bu qiymətləndirməsində ölkələr 123 suala cavab verib. Bu qiymətləndirmədə yeni meyarlar həm də siyasi, hüquqi, iqtisadi, sosial-mədəni və təhlükəsizlik sahələrində olub.

Cavidan
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar