"İsrail İranın nüvə proqramının qarşısını almaq hüququnu özündə saxlayır"-Yaid Lapid

SON XƏBƏRLƏR

"İsrail İranın nüvə proqramının qarşısını almaq hüququnu özündə saxlayır"-Yaid Lapid

2022.07.11, 10:22

Gunaz.tv

Yair Lapid Beynəlxalq Atom Enerjisi Agentliyinin İranın nüvə proqramının inkişaf prosesi ilə bağlı son hesabatından sonra beynəlxalq ictimaiyyəti qətiyyətli cavab verməyə və Tehrana qarşı ağır sanksiyalar tətbiq etməyə çağırıb.

Baş nazir ölkəsinin İranın nüvə proqramının qarşısını almaq hüququnu özündə saxladığını deyib.

Yair Lapid bəyan edib ki, Tehranın əvvəlki razılaşmalara zidd hərəkətlərinin yeni ölçülərinin üzə çıxması və İranın nüvə proqramının inkişafını sürətləndirməsi ilə İsrail istər siyasi, istərsə də hərbi yolla bu məsələnin öhdəsindən gəlmək üçün bütün lazımi tədbirləri görəcək.

Məlum oldu ki, İran uranı qabaqcıl sentrifuqalarla zənginləşdirir və bu da açıq şəkildə imzaladığı müqavilələrə ziddir. Beynəlxalq cavab qətiyyətli olmalı, BMT Təhlükəsizlik Şurası məsələyə yenidən qayıtmalı və sanksiyalar tam güclə tətbiq edilməlidir.

İyulun 18-də “Reuters” agentliyi Beynəlxalq Atom Enerjisi Agentliyin hesabatının surətinə istinadən İranın uranın zənginləşdirməsi prosesini sürətləndirdirdiyini yazıb.

İsrailin baş naziri Co Baydenin yaxın günlərdə regional səfərinə toxunaraq bildirib ki, Amerika prezidenti ilə təhlükələrlə bağlı danışıqlarda ilk növbədə İran məsələsi müzakirə olunacaq.

"Bizim təhlükəsizlik qüvvələrimiz hər yerdə hər kəsin sorağına gedə bilər və biz bunu edəcəyik"-deyə, Yair Lapid İranın "Hizbullah", "Həmas" və başqa terrorçu qruplaşmaları dəstəkləməsinə cavab veriləcəyi barədə xəbərdarlıq edib.

Cavidan

GUNAZ.TV

SON XƏBƏRLƏR