"Ermənistan itkin düşmüş azərbaycanlılarla bağlı məlumatları verməkdən qorxur"

SON XƏBƏRLƏR

"Ermənistan itkin düşmüş azərbaycanlılarla bağlı məlumatları verməkdən qorxur"

2023.08.18, 15:28

Ermənistan itkin düşmüş azərbaycanlılarla bağlı məlumatları verməkdən qorxur. Bunu Prezident Administrasiyasının Xarici siyasət məsələləri şöbəsinin sektor müdiri Həbib Mikayıllı itkin düşmüş şəxslərlə bağlı brifinqdə deyib.

Gunaz.tv

O bildirib ki, I Qarabağ müharibəsi zamanı ölkəmizin təxminən 3 900 itkin düşmüş insanı var.

Sektor müdirinin sözlərinə görə, aidiyyəti qurumlar bu məsələ ilə bağlı sıx əməkdaşlıq edilir:"Ərazilərimizin azad olunması həmin yerlərdə fəaliyyətimizin gücləndirilməsinə imkan verib.

Çünki artıq həmin ərazilərdə işlər görürük, kütləvi məzarlıqlar aşkar edirik. Aşkarlanan qalıqlarda erməni hərbçilərin daim əsirlərə işgəncələr verildiyi məlum olur.

Ermənistanla bir çox məsələlər, eləcə itkin düşmüş şəxslərlə bağlı daim müzakirələr aparılır.

Ümid edirik ki, artıq Ermənistan itkin düşmüş şəxslərin aqibəti barədə bizə məlumat verəcək, həmçinin kütləvi məzarlıqların siyahısını bizə təqdim edəcək.

30 il vaxt keçib, görünən odur ki, belə məlumatları paylaşmaqdan qorxurlar. Çünki bilirlər ki, siyahını verəcəkləri təqdirdə Müharibə cinayətləri ilə bağlı komissiya müvafiq tədbirlər görəcək.

Bu məsələdə beynəlxalq səviyyəli iş birliyinə ehtiyac var", - deyə Həbib Mikayıllı əlavə edib.

GUNAZ.TV

SON XƏBƏRLƏR