Contact Us

SON XƏBƏRLƏR

GAMAC-ın Azərbaycan Ordusununun antiterror əməliyyatına dəstək bəyanatı

2023.09.19, 23:09
GAMAC-ın Azərbaycan Ordusununun antiterror əməliyyatına dəstək bəyanatı

Güney Azərbaycan Milli Azadlıq Cəbhəsi (GAMAC) Azərbaycan Ordusunun Qarabağ bölgəsindəki anteterror əməliyyatına dəstək bəyanatı yayıb. Bəyanatda deyilir: 

Gunaz.tv

"Güney Azərbaycan Milli Azadlıq Cəbhəsi Qarabağ bölgəsindəki İşğalçı Ermənistan silahlı qüvvələrinə bağlı terror qruplaşmalarının apardığı terror və təxribat fəaliyyətlərini Azərbaycan Respublikasının suverenliyinə və ərazi bütövlüyünə qarşı ciddi təhlükə hesab edir. 

10 noyabr 2020-ci il tarixində imzalanmış üçtərəfli bəyanata zidd olaraq, bu erməni terror qruplaşmaları 19 sentyabr 2023-cü il tarixdə yenidən Qarabağda mülki təyinatlı yolları minallayaraq, terror aktı törətmişlər. Bunun nəticəsində Azərbaycan silahlı qüvvələrinin bir neçə hərbiçisi həyatını itirmiş və yaralanmışlar. 

Bu səbəbdən Azərbaycan MüdafiəNazirliyi local xarakterli anti-terror əməliyyatlarına başladılmasına və terrorist ermənilərə məxsus hərbi təyinatlı hədəflərin məhv edilməsinə qərar vermişdir.

Biz Güney Azərbaycan Milli Azadlıq Cəbhəsi olaraq, bölgədə sülh və sabitliyin təmin edilməsi yönündə Azərbaycan Silahlı Qüvvələrinin Qarabağ bölgəsində başlatdığı bu anti-terror əməliyyatını əhəmiyyətli hesab edirik və dəstəkləyirik. 

GAMAC dünya ictimaiyyətinə, sülhsevər beynəlxalq qurumlara, hüquq və ədalətə inanan toplumlara səslənərək, onları bölgədə sülhün bərpa edilməsi istiqamətində Azərbaycan dövlətinin öz ərazisində silahlı terror qruplaşmalarına qarşı başlatdığı anti-terror fəaliyyətlərinə ədalətli mövqedən yanaşmağa və Azərbaycan Respublikasının sülh, sabitlik, əməkdaşlıq və iqtisadi inkişaf istiqamətində apardığı siyasətə dəstək verməyə, həmçinin buna mane olan qüvvələrin qarşısında açıq mövqe qoymağa çağırır.  

Biz Güney Azərbaycan Milli Azadlıq Cəbhəsi olaraq, Vətənimiz Azərbaycan uğrunda canından keçən qəhrəman şəhidlərimizi sayğı ilə anır və onların qanlarının yerdə qalmayacağına inanırıq. GAMAC olaraq bəyan edirik ki, biz Güney Azərbaycanda yaşayan Azərbaycan türkləri olaraq hər zaman dövlətimiz Azərbaycanın və onun müzəffər ordusunun yanındayıq və istənilən zaman səfərbərliyə hazırıq.

Güney Azərbaycan Milli Azadlıq Cəbhəsi (GAMAC)
19.9.2023

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar