Contact Us

SON XƏBƏRLƏR

Politoloq Elçin Mirzəbəyli: Anayasa dəyişikliyi Türkiyədə münasibətlər sistemində köklü dəyişiklik yaradacaq

2021.10.20, 07:36
Politoloq Elçin Mirzəbəyli: Anayasa dəyişikliyi Türkiyədə münasibətlər sistemində köklü dəyişiklik yaradacaq

Gunaz.tv

GünAzTv: Politoloqun sözlərinə görə,  Türkiyə hakimiyyətinin prokurorları təyin edən orqana müdaxilə imkanı qazanması ciddi hadisə hesab olunmalıdır.

Türkiyədə ötən gün keçirilmiş referendumda səslərin sayılması başa çatıb. Sayılan səslərə görə, seçicilərin 58 faizi dəyişiklilərin lehinə, 42 faizi isə əleyhinə səs verib. Referendumun qeyri-rəsmi nəticələrini şərh edən Bütöv Azərbaycan Xalq Cəbhəsi Partiyasının sədr müavini Elçin Mirzəbəyli Milli.Az xəbər portalına açıqlamasında deyib ki, müxalifətdə olan Cümhuriyyət Xalq (CHP) və Milliyyətçi Hərəkat (MHP) partiyalarının apardığı təbliğata rəğmən, çoxluq hakim Ədalət və İnkişaf Partiyasının təklif etdiyi layihəni dəstəkləyib. Onun fikrincə, Konstitusiya (Anayasa) dəyişiklikləri Türkiyənin siyasi həyatında ciddi dəyişikliklərə səbəb olacaq. Elçin Mirzəbəylinin sözlərinə görə, ən ciddi dəyişiklik hakimiyyətin prokurorları təyin edən orqana müdaxilə imkanı qazanmasıdır və bu, ciddi hadisə hesab olunmalıdır.Bundan başqa, hökumətin ordunun işinə müdaxiləsinə zəmin yaradan dəyişikliklər də var: “Beləliklə, referendumla Atatürkün dövründən Türkiyədə mövcud olan münasibətlər sistemi bütövlükdə dəyişmiş oldu. Təbii ki, qərarı Türkiyə xalqı qəbul edib. Amma məncə, bu qərar Türkiyədəki münasibətlər sistemində köklü dəyişikliklərə səbəb olacaq”.Bununla belə, Elçin Mirzəbəyli hesab edir ki, Konstitusiya dəyişikliklərini mövcud Türkiyə hakimiyyətinin mövqelərini möhkəmləndirməsi kimi qəbul etmək olmaz. Çünki referenduma çıxarılan dəyişiklərin bir çoxu ilə bağlı vaxtilə həm CHP, həm də MHP təşəbbüslə çıxış etmişdi: “Onlar müəyyən müddəaların tərəfdarı idilər. Sadəcə olaraq, müxalifət dəyişikliklərin hamısının bir paket halında yalnız “Bəli” və “Xeyr” cavabları ilə qiymətləndirilməsini demokratik prinsiplərin pozulması kimi qiymətləndirirdi. Referendum əleyhinə aparılan kampaniyanın məqsədi də bu idi. Ona görə də baş verənləri Ədalət və İnkişaf Partiyasının qələbəsi kimi qələmə vermək düzgün olmaz”. Şərhçi qeyd edib ki, referendumun nəticələri Türkiyədə gələcəkdə keçiriləcək parlament və prezident seçkilərində bütövülkdə prosesə təsir göstərəcəyi az inandırıcıdır.

SEÇİLMİŞ XƏBƏRLƏR

Çox oxunanlar