Contact Us

SON XƏBƏRLƏR

İran öz nüvə obyektlərini möhkəmləndirir

2025.04.24, 13:47
İran öz nüvə obyektlərini möhkəmləndirir

Amerika və İsrailin hücum təhdidləri fonunda İran öz əsas nüvə kompleksi obyektlərini möhkəmləndirməyə başlayıb.

Gunaz.tv

Amerika Tehranın uranın zənginləşdirilməsi proqramına məhdudiyyətləri bərpa etmək üçün mümkün razılaşma ilə bağlı bu həftə sonu danışıqların üçüncü raundunu keçirməyə hazırlaşdığı bir vaxtda Elm və Beynəlxalq Təhlükəsizlik İnstitutu son peyk görüntülərinə əsaslanan hesabatını açıqlayıb.

İnstitutun prezidenti Devid Olbrayt bildirib ki, yeni istehkamlar bir neçə ildir Kolanq Qaz La dağının altında tikilən tunel komplekslərinin tezliklə işə düşə biləcəyini göstərir.

Qeyd edək ki, Tehran onun nüvə proqramını izləyən BMT-nin Beynəlxalq Atom Enerjisi Agentliyinin (BAEA) müfəttişlərinin tunellərə girişinə qadağa qoyub.

Olbrayt bildirib ki, bu tunellerin varlığı, İranın yüksək zənginləşdirilmiş uran, yaxud bəyan olunmamış nüvə materialları ehtiyatını və nüvə bombası üçün kifayət qədər uranı tez bir zamanda təmizləyə bilən qabaqcıl sentrifuqaları saxlamaq üçün istifadə oluna biləcəyi ilə bağlı narahatlıqları artırıb.

Olbraytın sözlərinə görə, yeni komplekslər İranın Qum şəhəri yaxınlığındakı Fordoda dərin basdırılmış uran zənginləşdirmə qurğusundan qat-qat daha dərinlikdə tikilir.

Xatırladaq ki, İranın dövlət mediası İran İslam İnqilabı Keşikçiləri Korpusunun (SEPAH) yaradılmasının ildönümü münasibətilə keçirilən tədbirdə, nüvə obyektlərində qoruyucu tədbirlərin genişləndirilməsi üçün səylərin davam etdiyini demişdi.

 

- Cəfər Cəfərli

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar