Moskva Tehranla eyni xəttdə: Vaşinqton bütün sanksiyaları ləğv etməlidir

SON XƏBƏRLƏR

Moskva Tehranla eyni xəttdə: Vaşinqton bütün sanksiyaları ləğv etməlidir

2026.04.20, 13:03

Gunaz.tv

Gunaz TV-nin məlumatına görə; Mikhail Ulyanov, Rusiyanın Vyanada beynəlxalq təşkilatlar yanında nümayəndəsi, İrana qarşı sanksiyaların mərhələli azaldılması ilə bağlı müzakirələrə reaksiya verərək tələbkar tonda Vaşinqtondan bütün sanksiyaların tam ləğvini istəyib və onların yenidən tətbiq olunmayacağına zəmanət verilməsini vurğulayıb.

Ulyanov “X” sosial şəbəkəsində yazıb: “Sanksiyaların mərhələli azaldılması kifayət deyil; Vaşinqton bütün sanksiyaları ləğv etməli və onların geri qayıtmayacağına təminat verməlidir”; bu mövqe müşahidəçilər tərəfindən Tehranla eyni xəttdə və mövcud rejimin qorunmasına xidmət edən yanaşma kimi qiymətləndirilir.

Bu açıqlama, “Channel 12 Israel”in məlumatına görə ABŞ və İran arasında aparılan danışıqlarda 15 il müddətinə uranın zənginləşdirilməsinin dayandırılması, ehtiyatların yanacağa çevrilməsi və nüvə obyektlərinə tam nəzarət kimi məsələlərin müzakirə edildiyi bir vaxtda səsləndirilib.

Həmin məlumata əsasən; Tehran bu danışıqlarda ABŞ qüvvələrinin regiondan çıxarılmasını və iqtisadi sanksiyaların tam ləğvini tələb edir, Vaşinqton isə Hörmüz boğazının açılmasını əsas şərtlərdən biri kimi irəli sürür.

Eyni zamanda İsraildə belə bir razılaşmanın İranın yaratdığı təhlükəni yalnız təxirə sala biləcəyi, lakin nəticədə mövcud rejimin möhkəmlənməsinə gətirib çıxara biləcəyi ilə bağlı ciddi narahatlıqlar var.

Ekspertlər hesab edir ki, Rusiyanın bu mövqeyi Moskvanın regiondakı təsirini qorumaq və Tehranı beynəlxalq təzyiqlər qarşısında dəstəkləmək cəhdidir; bu isə Rusiya ilə İranın böhranlarda üst-üstə düşən maraqlarını bir daha ortaya qoyur.

Günaz TV
R.G

GUNAZ.TV

SON XƏBƏRLƏR