Contact Us

SON XƏBƏRLƏR

Davudoğlu: "Suriyadakı böhranın zərərini onlar yox, biz çəkirik"

2021.10.20, 07:36
Davudoğlu: "Suriyadakı böhranın zərərini onlar yox, biz çəkirik"

Gunaz.tv

Türkiyənin xarici işlər naziri Rusiya və Çinin Suriyaya dair qətnaməyə veto qoymasına belə münasibət bildirib.48-ci Münhen Təhlükəsizlik Konfransında iştirak etmək üçün Almaniyada olan Türkiyənin xarici işlər naziri Əhməd Davudoğlu, konfransda Suriyanın əsas müzakirə mövzusu olduğunu bildirib və Rusiya ilə Çinin BMT-nin Təhlükəsizlik Şurasının Suriyaya dair qətnaməsinə veto qoymasının bütün müzakirələrə öz damğasını vurduğunu qeyd edib. Davudoğlu, Rusiya və Çinin vetosuna baxmayaraq, Türkiyənin bu məsələdə həlledici rol oynamağa davam edəcəyini bəyan edib. "Rusiya bu vetonu qoyanda yeni bir təşəbbüs də başlatmış oldu. Bildiyiniz kimi, Lavrov indi Dəməşqdə olmalıdır. Bunun da nəticəsini görəcəyik. BMT-də qətnaməyə veto qoyulması dərhal həmin prosesin başa çatması demək deyil", Davudoğlu bildirib. Əhməd Davudoğlu həmçinin bildirib ki, Türkiyə dünya ictimaiyyətinin diqqətini Suriyaya yönəltməyə davam edəcək və Suriya məsələsində Ərəb Ölkələri Liqası ilə birlikdə həmin təşkilatın verdiyi qərarları da nəzərə alacaq. "Suriyada yaşanan böhranın ziyanını onlar görmür. Keçmişdə İraqda da qonşu ölkələr və Türkiyə zərər çəkdiyi kimi, bu böhranda da biz zərər çəkirik. Bu məsələnin birinci tərəfi Ərəb Ölkələri Liqası və Türkiyədir. Çünki Ərəb Ölkələri Liqası Suriyanın qonşusudur. Ərəb olmayan və Suriya ilə qonşu olan yeganə dövlət isə Türkiyədir. Dolayısı ilə, Ərəb Ölkələri Liqası ilə əməkdaşlığımızı davam etdirəcəyik" - Əhməd Davudoğlu belə deyib.

ANSPRESS

SEÇİLMİŞ XƏBƏRLƏR

Çox oxunanlar