Contact Us

SON XƏBƏRLƏR

Merkel: Çin, İran Üzərində Təsirini İstifadə Etməlidir

2021.10.20, 07:36
Merkel: Çin, İran Üzərində Təsirini İstifadə Etməlidir

Gunaz.tv

 

Merkel: Çin, İran Üzərində Təsirini İstifadə Etməlidir

Günaz TV : Almaniya Baş naziri Angela Merkel, Pekin ziyarətində İran mövzusunda mesajlar verdi .

Merkel, İranın dartışmalı nüvə proqramından imtina etməsi üçün Çin rəhbərliyinin Tehran üzərində təsirindən istifadə edə biləcəyini söylədi.

Almaniya Baş naziri Angela Merkel, Pekin təmaslarının ilk günündə, Çin İctimai Elmlər Akademiyasında çıxış etdi .

Çin rəhbərliyindən İran üzərində təsirindən istifadə etməsini istəyən Merkel, bunun Tehran rəhbərliyini mübahiseli nüvə proqramı mövzusunda "şəffaf" və "dialoqa açıq olmağa" istiqamətləndirə biləcəyini qeyd etdi.

Merkel, İranın nüvə silahına sahib olmasının qarşısını almaq üçün beynəlxalq cəmiyyətin dəqiq addımlar verməsinin lazım olduğunu vurğuladı. Almaniya Baş naziri, BM Təhlükəsizlik Şurasında irana qarşı yeni bir qərar qanunu üçün də Çin rəhbərliyinin dəstəyini istədi.

BM Təhlükəsizlik Şurasının daimi üzvü olan və veto haqqına sahib olan Çin, iqtisadi əlaqələriylə də İran üzərində böyük təsirə sahibdir. İxracat gəlirlərinin yüzdə 80-ini neft satışından əldə edən İranın ən böyük müştərisi Çin İranın emal etdiyi neftin təxminən yüzdə 22-ini alır.

Çin rəhbərliyi İran nüvə böhranının dialoq və diplomatik müzakirələr yoluyla həll edilməsini istəyərkən, sanksiyalar və embarqonun həll yolu olmayacağını müdafiə edir.

SEÇİLMİŞ XƏBƏRLƏR

Çox oxunanlar