Cavid Vəliyev: “Bu cür xəbərlər Türkiyə-Azərbaycan münasibətlərinə zərər verir”- Müsahibə

SON XƏBƏRLƏR

Cavid Vəliyev: “Bu cür xəbərlər Türkiyə-Azərbaycan münasibətlərinə zərər verir”- Müsahibə

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, Azərbaycan Respublikası (Cümhuriyyəti) Prezidentinin yanında Strateji Araşdırmalar Mərkəzinin elmi işçisi, siyasi şərhçi Cavid Vəliyevdir.

- Türkiyədə bəzi mətbuat orqanları Azərbaycan hakimiyyətinin Fransa məsələsində Türkiyənin yanında olmadığını qeyd edirlər. Sizcə, belə yazıların arxasında nə durur və əsas məqsəd nədir?

- Qeyd etdiyiniz kimi bu addımı bütün mətbuat orqanlarına aid etmək olmaz. Yalnız bəzi mətbuat orqanları tərəfindən verilən bu xəbərləri mən qərəzli xəbərlər olaraq qiymətləndirə bilərəm. Belə ki, o mətbuat orqanları Azərbaycanın bu istiqamətdə atdığı bütün addımları görməzdən gəldilər. Bu cür xəbərlər Türkiyə-Azərbaycan münasibətlərinə zərər verir. Bunlardan uzaq durmaq lazımdır.

- Ümumiyyətlə, bir araşdırma mərkəzinin elmi işçisi olaraq, Azərbaycan Türkiyəyə yetərincə dəstək oldumu?

- Əslində bu sualı Türkiyə tərəfinin cavabı ilə cavab vermək olar. Həm Türkiyənin Azərbaycandakı səfiri Hulusi Kılıç, həm Türkiyə Xarici İşlər Naziri Əhməd Davudoğlu Azərbaycanın bu dəstəyindən razı olduğunu bildirdilər. Azərbaycan Xarici işlər nazirliyi, Milli Məclisi , siyasi partiyaları və ictimaiyyət Fransanı qınadı və Türkiyəyə dəstək oldu. Bəzi ekspertlərin (karşünaslar) müdafiə etdiyi kimi mən Azərbaycanın Fransanın bu qərarını dəyişdirəcək təsir vasitələrinə sahib olmadığını düşünürəm. Əyər Azərbaycan buna qadirdirsə onda belə bir sual çıxır ortaya, Niyə kimi Minsk Qrupu həmsədr ölkəsi olan Fransaya Qarabağ üçün bu təzyiqi göstərmədi? Azərbaycan bu məsələdə sadəcə mövqeyini bildirməli idi və onu da etdiyini düşünürəm. .

- Amma ortada bir gerçəklik var ki, türk-islam dünyasında Azərbaycandan başqa Türkiyəni müdafiə edən olmadı. Siz bunun səbəbini nə ilə bağlayırsınız?

- Dövlətlərarası münasibətlərdə maraqlar qardaşlığın və dostluğun önündədir. Azərbaycan-Türkiyə münasibətləri sadəcə qardaşlıq təməlinə dayanmır eyni zamanda maraqlarımız da üst üstə düşür. Erməni məsələsi iki dövlətin maraqlarının üst üstə düşdüyü bir məsələdir. Lakin Türkiyənin digər Türk dövlətləri ilə münasibətlərinə Erməni məsələsi ortaq problem deyil.

Digər tərəfdən erməni məsələsi problem olduğu üçün Türkiyə və Azərbaycan gündəliyində var. Demək ki, bu məsələni digər Türk dövlətləri gündəliyinə gətirmək lazımdır onun üçün də o dövlətlərin ictimaiyyəti ilə işləmək vacibdir.

- Bəzən belə fikir bildirirlər ki, Türkiyədə Sürix protokollarının yenidən gündəmə gəlməsi gözlənilir.

- “Soyqırım” məsələsi digər dövlətlərin əlində Türkiyəyə qarşı bir təsir vasitəsi olmuşdur. Türkiyə Zürix protokollarını imzalayaraq “soyqırım” məsələsini digər dövlətlərin əlindən almağa çalışdı. Lakin Ermənistan buna razı olmadı. Eyni zamanda digər dövlətlər də buna razı olmadılar. Zürix protokollarının ermənilərin mövqeyinə və lobbi çalışmalarına təsir göstərməyəcəyi ortaya çıxdı. Bu səbəbdən Türkiyənin təkrara Zürix protokollarına qayıdacağını düşünmürəm. Tam tərsinə Türkiyənin erməni iddiaları ilə mübarizə üçün daha fərqli metod izləyəcəyini düşünürəm.

Söhbətləşdi: Elnur Eltürk

GUNAZ.TV

SON XƏBƏRLƏR