Contact Us

SON XƏBƏRLƏR

Bəşər Əsədin ailəsi ölkədən çıxmağa cəhd göstərib

2021.10.20, 07:36
Bəşər Əsədin ailəsi ölkədən çıxmağa cəhd göstərib

Gunaz.tv

GünAz TV: Suriya müxalifət qüvvələri ölkədən çıxmağa cəhd göstərən prezident Bəşər Əsədin ailəsinin planlarının qarşısını alıb.

Adının açıqlanmasını istəməyən keçmiş zabit (əfsər) bildirib ki, ötən gün axşam hökumət maşınlarından ibarət karvan beynəlxalq Dəməşq hava limanına doğru hərəkət edərkən, müxalifət qüvvələri onların qarşısını kəsib.  Bu zaman silahlı müxalifətçilərlə prezident mühafizəçiləri arasında atışma baş verib. Xüsusi təyinatlıların köməyinə gələn vertolyotun (helikopter) müşayiəti ilə maşın karvanı prezidentin iqamətgahına doğru gedib. Avtomobillərdə prezidentin həyat yoldaşı, övladları və qohumlarının olduğu ehtimal edilir. Bu arada Suriya silahlı qüvvələri üsyançılar üzərində qələbə çalaraq paytaxt Dəməşqin ətrafları üzərində nəzarəti ələ alır. Bu barədə ərəb peyk telekanalları məlumat yayıb. Onların məlumatına görə, Ayn Tarm və Cisreyndə üsyançılarla ordu arasında qızğın döyüşlər gedir. Suriya hərbi şurasının rəsmi nümayəndəsi mayor (dərəcədar) Maxer an Nueymi  hərbçilər arasında parçalanmadan danışaraq Quta bölgəsində yüzlərlə əsgərin müxalifət qüvvələrinin tərəfinə keçdiyini bildirib. Bəzi məlumatlara görə, son sutka (24 saat) ərzində Suriyanın müxtəlif şəhərlərində hərbi əməliyyatlar və iğtişaşlar zamanı çoxlu sayda insan həlak olub. Nümayişçilər 50 tankın dəstəyilə küçələrə çıxarılmış 2 minədək hərbçi tərəfindən gülləbaran edilib. Nümayişçilər bazar günü baş verənləri ölkədə 9 aydır davam edən qarşıdurmalar zamanı baş vermiş ən dəhşətli toqquşma kimi qiymətləndirirlər. Dəməşq yaxınlığındakı Rankus kurort qəsəbəsinə od vurulub və o, tamamilə məhv olub. Müxalifətçilər qəsəbəsi fəlakət zonası (məntəqə) elan edilib. Bütün bu hadisələrin fonunda (zəminində) Ərəb Birliyi Suriyada 10 aydan çox davam edən zorakılığın dayandırılması üçün BMT-nin müdaxiləsini istəyib. Nyu-Yorka səfər edən Ərəb Birliyinin baş katibi Nəbil Əl Ərəbi Təhlükəsizlik Şurası üzvlərini Suriyadakı vəziyyətlə bağlı məlumatlandıracağını söyləyib. İTV

SEÇİLMİŞ XƏBƏRLƏR

Çox oxunanlar