Contact Us

SON XƏBƏRLƏR

Amerikanın müdafiə naziri Leon Panetta:«İran bir ilə atom bombası düzəldə bilər"

2021.10.20, 07:36
Amerikanın müdafiə naziri Leon Panetta:«İran bir ilə atom bombası düzəldə bilər"

Gunaz.tv

GünAz TV: Analitiklərin (təhlilçilər) söylədiklərinə görə, İran 1 il ərzində nüvə silahı istehsal etmək iqtidarındadır».

  Bunu ABŞ-ın (Amerika Birləşmiş Ştatları) müdafiə naziri Leon Panetta bazar günü yayımlanan «60 Dəqiqə» televiziya proqramında deyib. 

 Panetta onu da bildirib ki, İrana bu cür nüvə silahını potensial hədəfə çatdırmaq üçün lazım gələcək avadanlığın (təchizat) istehsalına görə daha 2-3 il lazımdı.

 Panettanın bu sözləri Beynəlxalq Atom Enerji Agentliyinin bir qrup müfəttişinin İrana yeni təftiş səfərindən az sonraya təsadüf edir.

 İran dəfələrlə bildirib ki, nüvə silahı istehsal etmək niyyətində deyil. Ancaq Beynəlxalq Atom Enerjisi Agentliyinin noyabr (November) ayındakı hesabatında deyilir ki, proqramın bəzi aspektlərinin (cənbə, cəhət) hərbi təyinatı ola bilər.

 Televiziya ilə müsahibəsində Panetta deyib ki, İranın nüvə silahı əldə etməsi ABŞ və onun yaxın müttəfiqi olan İsrail üçün «qırmızı xətt»dən o tərəfə keçmək deməkdir:

«Əgər biz İranın nüvə silahı hazırlaması barədə kəşfiyyat məlumatı əldə etsək, onda biz onları dayandırmaq üçün lazım olan bütün tədbirləri görəcəyik».

Beynəlxalq Atom Enerjisi Agentliyinin missiyası (görəvi) artıq İranda fəaliyyətə başlayıb. Təftişlər yanvarın (January) 31-ə qədər davam edəcək.

İranın xarici işlər naziri Ali Akbar Salehi missiyanın fəaliyyəti ilə bağlı nikbin olduğunu bildirib:

«Qısaca onu deyim ki, mən bu səfərlə bağlı nikbinəm. Əlbəttə, demək istəmirəm ki, bir gecədə möcüzə baş verəcək. Hər halda bilirsiniz ki, uzun səfər ilk addımdan başlayır».

İranın xarici işlər naziri onu da vurğulayıb ki, müfəttişlər səfər zamanı İranda istədikləri yerə gedib baxa biləcəklər.

Yanvarın 29-da İran parlamentini sədri Ali Laricani deyib ki, bu səfər Beynəlxalq Atom Enerjisi Agentliyi üçün bir sınaq olacaq. Onun sözlərinə görə, İran agentliklə peşəkar əməkdaşlıq edəcək, Qərbin aləti kimi yox. Azadlıq radisou

SEÇİLMİŞ XƏBƏRLƏR

Çox oxunanlar