Fransa Senatının qərarından Avropa Məhkəməsinə şikayət edilə bilər

SON XƏBƏRLƏR

Fransa Senatının qərarından Avropa Məhkəməsinə şikayət edilə bilər

2021.10.20, 07:36

Gunaz.tv

Fransadakı türk əsilli vətəndaşlar prezident Nikolya Sarkozinin qərarının nəcə olacağını gözləyir

Fransa Senatında “İnkar qanunu” layihəsini hazırlayan Valeri Boyer qərar açıqlandıqdan sonra göz yaşlarını saxlaya bilməyib. Memarı olduğu qalmaqallı sənəd senatda təsdiqlənəndən sonra o, sevincini gizlətməyib və özü ilə fəxri etdiyini deyib. Xanım Boyerdən fərqli olaraq elə fransız vətəndaşları da var ki, onlar üçün yanvarın 23-ü fəxr yox, əsl utanc günü oldu. Onlardan biri də əslən Türkiyənin İgdır vilayətindən olan Fransa vətəndaşı Mustafa Alıncadır. O, senatda baş tutan tamaşanı sona qədər izləyib. Hətta sənədin rədd ediləcəyinə ümidsiz olsa belə. Mustafa bəy hesab edir ki, onun kimi Fransada yaşayan bütün türklər bu qərarla barışmayacaq. Amma etiraf da edir ki, Fransa vətəndaşı olan türkləri bundan sonra çətin günlər gözləyir. Mustafa Alıncanın sözlərinə görə, bu qanunun qəbul edilməsi türklərə bir tələ olub: “Onlar bununla istəyirlər ki, bizi, Fransada yaşayan türkləri “erməni soyqırımı” olub-olmadığı ilə söhbətlərə cəlb etsinlər”. Fransada yaşayan azərbaycanlılar da oxşar problemlərlə üzləşə bilər. Ona görə də artıq Azərbaycanın AŞPA-dakı nümayəndə heyəti həm fransalı həmkarlarına, həm də Fransa hökumətinə müraciət edib. Məsələ həm də qurumun rəhbərliyi səviyyəsində müzakirəyə çıxarıla bilər. Azərbaycan nümayəndə heyətinin üzvü, millət vəkili Qənirə Paşayeva hesab edir ki, Fransa Senatı bu qanun layihəsini dəstəkləməklə rəsmi Parisin beynəlxalq münaqişələrdə vasitəçilik missiyasını sual altına qoyub. Konkret olaraq Qarabağ münaqişəsinin həlli prosesində həmsədr ölkə olan Fransadan problemlə bağlı obyektiv mövqe gözləmək mümkün olmayacaq. Açıq-aşkar Ermənistanı dəstəkləyən Paris özü könüllü şəkildə vasitəçilikdən imtina etsə, münasib olar. Q.Paşayevanın fikrincə, hüquqi mexanizmlər çərçivəsində bu qanunun ləğv olunması ilə bağlı addımlar atılmalıdır: “Biz bu məsələni hər zaman diqqətdə saxlayacağıq. Çünki bu bizim yüz minlərlə insanımızın gələcəyi deməkdir. Bu, Avropanın gələcəyi üçün mənfi bir tendensiyadır”. İndi Fransadakı türk əsilli vətəndaşların bir çoxu qanun layihəsi ilə bağlı prezident Nikolya Sarkozinin qərarının nə olacağını gözləyir. Əgər o da sənədi təsdiqləsə, onda fransız vətəndaşı olan türklər fərdi şəkildə Konstitusiya Məhkəməsinə müraciət edəcək. Çünki yeni qanun ölkə konstitusiyasına təmamilə ziddir. Hətta bununla bağlı Avropa Məhkəməsinə də müraciət etmək niyyətində olanlar var.

ANSPRESS

GUNAZ.TV

SON XƏBƏRLƏR