İranda 4 yüksək rütbəli hərbi şəxs şübhəli şəkildə ölüblər

SON XƏBƏRLƏR

İranda 4 yüksək rütbəli hərbi şəxs şübhəli şəkildə ölüblər

2021.10.20, 07:36

Gunaz.tv

GünAz TV: 5 gün ərzində İnqilab Keşikçiləri Korpusunun (SEPAH) komandanlığına (fərmandehi) daxil olan 4 şəxs dünyasını dəyişib.

İranda 5 gün ərzində İslam İnqilabı Keşikçiləri Korpusunun komandanlığına daxil olan 4 yüksək vəzifəli məmur ölüb. Bu barədə «Yediot Axronot» qəzeti İranın müxalif «Saham News» saytına istinadən yazıb.

Ölənlər arasında Tehranda yerləşən İmam Hüseyn İnstitutunun qeyri-adi silahların işlənib hazırlanması ilə məşğul olan əməkdaşı, İnqilab Keşikçiləri Universitetinin sabiq rəhbəri, elektron silahların hazırlanması üzrə yüksək səviyyəli tədqiqatçı və bir də İran-İraq müharibəsində iştirak etmiş bir general yer alıb.

50-55 yaş aralığında olan hərbçilərin ölümünə səbəb kimi rəsmi olaraq insult (səktə) və ürək tutması göstərilib. Xəbərdə onların öldürülmüş ola biləcəyinə eyhamlarla yanaşı qeyd edilib ki, bu hadisələr müxtəlif siyasi qrupların hakimiyyət uğrunda davam edən mübarizəsi fonunda (zəminində) baş verib.

«Yediot Axronot» həmçinin qeyd edib ki, 2011-ci ilin yanvar (January) ayının əvvəllərində İnqilab Keşikçiləri hərbi-dəniz qüvvələrinin sabiq komandanı Hüseyn Əlayiyə açıq məktub yazaraq, 2009-cü ildə hökumət əleyhinə nümayişlərin dağıdılması zamanı ali dini lider Ayətullah Əli Xamneyinin yol verdiyi davranışı tənqid etmişdi. Bundan sonra Əlayi məktubun düzgün şərh edilmədiyini desə də, bu hadisə İranın hakimiyyət strukturları (saxtar) daxilində gərginliyi artırmışdı.

İnqilab Keşikçiləri Korpusu elit (noxbələr) hərbi qurumdur. Bu korpusun məqsədi 1979-cu il İslam inqilabının nailiyyətlərini qorumaq, İslam ideyalarını həm İranda, həm də ölkədən kənarda yaymaqdan ibarətdir.

GUNAZ.TV

SON XƏBƏRLƏR