Fransa Senatı qondarma erməni soyqırımı ilə bağlı qanunu qəbul etdi

SON XƏBƏRLƏR

Fransa Senatı qondarma erməni soyqırımı ilə bağlı qanunu qəbul etdi

2021.10.20, 07:36

Gunaz.tv

GünAz TV: Qanunun əleyhinə olan senatorlar məhkəməyə müraciət üçün imza toplamağa başlayıb.

Fransa qanunvericiləri qondarma erməni soyqırımının inkarına görə cinayət məsulliyyəti nəzərdə tutan qanunu qəbul edib. 8 saatlıq debatlarda (münazirə) layihənin əleyhinə çıxış edən qanunvericilər bununla Türkiyə ilə münasibətlərə ciddi zərbə vurulacağı barədə xəbərlıq ediblər. Qanunlar komissiyasının sədri Jan Pyer Soyer bunun konstitusiyaya (anayasa), söz azadlığı prinsiplərinə (əsl, ilkə) zidd olduğunu vurğulayıb. Həmkarlarına müraciət edən Jan Pyer Soyer deyib ki, bu qanun nəyə nail olmağa imkan verəcək? "Xalqların dostluğunu möhkəmləndirə, diplomatik problemləri həll edə biləcəkmi? Bu qanun problemləri həll edə biləcəkmi?".

Lakin onun kəskin çıxışı belə senatorların bəzilərinin ikili standartlardan çıxış edərək əvvəlki mövqelərini dəyişmələrinə mane olmayıb. Senatdakı müzakirələrdən əvvəl kommunist və sosialist partiyalarından olan bəzi deputatlar (millət vəkilləri) layihənin əleyhinə səs verəcəklərini bildirsələr də, erməni lobbisinin və ermənipərəst həmkarlarının təsirinə məruz qalıblar. Beləliklə Fransa tarixində ən ciddi səhvlərindən biri olacağı deyilən sənəd 127 səs lehinə, 86 əleyhinə olmaqla qəbul edilib. Qərar dövlət qəzetində dərc edildikdən və Fransa prezidentinin təsdiqindən sonra qüvvəyə minəcək. İmzalanmaq üçün seçkiqabağı nüfuz qazanmağa çalışan prezident Nikola Sarkoziyə göndərilən qanun 15 gün ərzində təsdiqlənməlidir. Bu müddət ərzində isə Fransa senatının layihənin əleyhinə olan nümayəndələri konstitusiya məhkəməsinə etirazla müraciət edə biləcək.

Qeyd edək ki, artıq qanunun insan hüquqları prinsipləri, beynəlxalq hüquq və ölkə konstitusiyasına zidd olduğunu dəfələrlə müdafiə edən senator Natali Qule məhkəməyə müraciət üçün 61 həmkarının imzasını toplayıb. Müzakirələrin getdiyi vaxtda senat qarşısında etiraz aksiyası keçirən türklər bu qərardan heyrətləndiklərini bildirərək, Fransa tarixinin ən böyük yanlışına imza atıldığını vurğulayıblar. Parislə yanaşı Böyük Britaniyanın paytaxtı Londonun da küçələrinə çıxan minlərlə türk «Erməni soyqırımı imperializm yalanıdır!» kimi şüarlar səsləndiriblər. Ingiltərədləki türk dərnəklərinin birgə yaydığı sənəddə deyilir ki, Fransa parlamentinin qəbul etdiyi bu qanun insanlığın ən müqəddəs haqqı olan düşüncə azadlığının məhvinin, çağdaş mədəniyytinə qurucusu kimi tanınan bir millətin dar dünya görüşlü nümayəndələrinin, etnik və dini ayrı-seçkilik prinsipinə özü üçün meyar seçən bir ədavətin, nifrətin terror təşkilatına təslim olmasının rəmzidir.

GUNAZ.TV

SON XƏBƏRLƏR