Contact Us

SON XƏBƏRLƏR

Böyük Britaniya, Fransa və Amerikanın hərbi gəmiləri Hörmüz boğazını keçiblər

2021.10.20, 07:36
Böyük Britaniya, Fransa və Amerikanın hərbi gəmiləri Hörmüz boğazını keçiblər

Gunaz.tv

GünAz TV: ABŞ-ın (Amerika Birləşmiş Ştatları) hərbi təyyarə daşıyan “Abraham Linkoln” adlı hərbi gəmisi Böyük Britaniya və Fransanın beş hərbi gəmisi ilə birlikdə Hörmüz boğazından keçərək körfəzə daxil olub.

 

 “Abraham Linkoln” gəmisi ən azı 90 qırıcı təyyarə və helikopter daşımaq gücünə malikdir.

 

GünAz TV mətbuat mərkəzinin “Media forum”a istinadən yaydığı məlumata görə, ABŞ Müdafiə Nazirliyinin sözçüsü yanvarın (January) 22-də jurnalistlərə deyib ki, İranın bundan əvvəlki təhdidlərinə baxmayaraq hərbi gəmilərin Hörmüz boğazından keçməsi və körfəzə daxil olması zamanı hər hansı hadisə baş verməyib.

2011-ci il dekabrın (December) 27-də İranın birinci vitse-prezidenti (prezident müavini) Məhəmmədrza Rəhimi, dekabrın 28-də isə İranın Hərbi Dəniz Qüvvələrinin komandanı (fərmandeh)  admiral (dəryasalar) Həbibulla Səyyari Qərbi və bölgə ölkələrini Hörmüz boğazını bağlayacaqları ilə təhdid ediblər. Onlar bildiriblər ki, İran neftinə sanksiya (təhrim) qoyulsa, Hörmüz boğazından gediş-gəliş tam qapadılacaq.

 2012-ci il yanvarın 4-də jurnalistlərə açıqlama verən İranın müdafiə naziri Əhməd Vəhidi  ABŞ hərbi gəmilərinin İran körfəzinə qayıtması niyyətini pisləyib: “Onların burada olması ziyanlıdır. Biz həmişə onların bölgədən çıxmasını tələb edərək Hörmüz boğazının təhlükəsizliyinin qorunmasına təkid etmişik. İran bölgənin mühüm qüdrəti olaraq Hörmüz boğazı məsələsində özünü haqlı sayır və həmişə bu boğazın təhlükəsizliyini qorumağa çalışıb”.

SEÇİLMİŞ XƏBƏRLƏR

Çox oxunanlar