GünAz TV mətbuat mərkəzinin növbəti müsahibi,“İşğal və Təcavüzə Yox” İctimai Birliyi sədri Nahid Aslandır.

- Nahid bəy, təşkilat hansı zərurətdən yarandı və qurumun fəaliyyət istiqaməti haqqında oxucularımıza məlumat verəsiniz?

- Artıq bir əsrə yaxındır ki, mənfur qonsularımızın yürütdüyü siyasət nəticəsində xalqımız dəfələrlə işğala və təcavüzə məruz qalıb. Məkirli siyasətin son nəticəsi isə Dağlıq Qarabağ problemidir. Mən də işğal nəticəsində məcburi köckün həyatı yaşayıram, atam isə torpaqlarımızın müdafiəsi zamanı qəhramancasına şəhid olub. Bu təşkilatı yaratmaqda məqsədimiz işğalın və təcavüzün fəsadları haqqında informasiyanı dünya ictimayətinə catdırmaq, işğal olunmuş ərazilərdə  insan hüquqlarının təbliğ edilməsi və qorunmasının həyata keçirilməsinə yönəldilən müxtəlif fəaliyyət növləri ilə məşğul olmaqdır. İşğal və təcavüzün necə fəsadlar verə biləcəyi, insan həyatının nə qədər dəyərli olduğunu ictimayyətin diqqətinə çatdırmaq, ictimaiyyətin bu sahədə maariflənməsinə köməklik göstərmək, onların insan hüquqlarını dərk etməsinə yardım göstərmək. Ümumiyyətlə Tam adı: “No Aggression, No Occupation International Forum” “İşğal və Təcavüzə Yox” İctimai Birliyi dünyada sülhün və sabitliyin qorunub saxlanmasına, işğala və təcavüzə məruz qalan ərazilərdə vətəndaş cəmiyyətinin formalaşdırılmasına dəstək olan insanların birliyidir. Amansız münaqişələr, insan hüquqlarının ciddi pozulması halları və digər dəhşətli hadisələr nəticəsində yurdlarından didərgin düşmüş, lakin doğma ölkəsi daxilində qalmaqda olan insanların müdafiəsini təmin etmək üçün aidiyyatı qurumlar qarşısında məsələ qaldırmaqda bizim gələcək fəaliyyətimizə daxildir.

Gələcək fəaliyyətimizdə münaqişəli ərazilərdə yerli əhali ilə maarifləndirici debatların təşkili ilə məşqul olacağıq.

-Fəaliyyətinizdə Güney Azərbaycan məsələsinə önəm verəcəksiniz?

- Düşünürəm ki, Güney Azərbaycanda da yetərincə insan hüquqlarının pozulması  ilə bağlı kifayyət qədər problemlər var. Təşkilatımız qurularkən əsas meyar kimi insan amili götürülmüşdür. Mənimçün insanın mənəvi  xoşbəxtliyi vətənində, doğma yurd-yuvasında yaşaması, öz ana dilində heç bir qorxu olmadan danışmasıdır .

Təşkilatımız beynəlxalq təşkilat olduğu üçün biz bu məsələlərlə ciddi şəkildə maraqlanırıq.  İranda insan hüquqları ciddi şəkildə pozulur. Orada 40 milyon insan öz ana dilində danışa bilmir, ciddi təhqirlərə məruz qalır.

- Bəs, Güney Azərbaycanın gələcək həlli ilə bağlı fikirləriniz nədən ibarətdir? Xüsusilə, azərbaycan gəncliyinin bu istiqamətdə fəaliyyəti Sizi qane edirmi?

- Əvvəl qeyd etdiyim kimi, Iranda 35 milyon insan öz ana dilində danışmaqdan məhrumdur, siyasi repressiyalara (sərkub) məruz qalırlar.Bunun nəticəsində təbii haldır ki, öz azadlıqlarını tələb edirlər. Düşünürəm ki, bu, sonunda təcavüzkar tərəfin məğlubiyyəti ilə sonuclanacaq.

Bölgədə baş verən bəzi siyasi manevrlər bunu deməyə əsas verir ki, (Amerika Birləşmiş Ştatların körfəzə yerləşdirdiyi hərbi gəmilər, Rusiya Federasiyası yeni səfirin  təyin olunması bölgədə bəzi dəyişikliklərin olacağına işarədir. Azərbaycan bu vəziyyətdən yararlanmalıdır. İstər şimallı olsun, istər cənublu Azərbaycan gəncliyinin isə bu məsələyə  münasibəti birmənalıdır. Güney Azərbaycan bu təcavüzkar rejimdən xilas olmalıdır.  Düşünürəm ki,  bu günkü gənclik bu istiqamətdə daha aktiv siyasət aparmalıdır və Azərbaycanın ərazi bütövlüyünü bərpa etməyə qadirdir.

Söhbətləşdi: Elnur Eltürk