Contact Us

SON XƏBƏRLƏR

Amerikada Prezidentliyə namizəd Türkiyəni təhqir etdi

2021.10.20, 07:36
Amerikada Prezidentliyə namizəd Türkiyəni təhqir etdi

Gunaz.tv

GünAz TV: ABŞ-da (Amerika Birləşmiş Ştatları) prezidentiliyə namizəd, Texasın qubernatoru (fərmandar) Rik Perri Türkiyəni təhqir edib.

O, Türkiyəni islamçı terrorçular tərəfindən idarə olunan ölkə adlandırıb. Rik Perrinin bəyanatı dünya mətbuatında böyük rezonans doğurub. Türkiyənin xarici işlər naziri Əhməd Davudoğlu prezidentliyə namizədin bəyanatını əsassız və qəbuledilməz adlandırıb. Türkiyənin xarici siyasət idarəsi isə məsələ ilə bağlı bəyanat yayıb. Bəyanatda bildirilir ki, ABŞ (Amçerika Birləşmiş Ştatları), ölkələrinin müttəfiqlərinin kim olması haqda təsəvvürü olmayan namizədləri ciddi qəbul etməməlidir. ABŞ Dövlət Departamentinin (xarici işlər nazirliyi) rəsmisi Mark Toner də məsələyə münasibət açıqlayıb. «Biz qəti şəkildə bu iddialarla razı deyilik. ABŞ Türkiyəni NATO və eləcə də ikitərəfli münasibətlərdə etibarlı tərəfdaş hesab edir». Mark Toner jurnalistlərin məsələ ilə bağlı suallarını cavablandırarkən belə deyib. Əlavə edib ki, ABŞ-la Türkiyənin regional (bölgəsəl) və qlobal (kürəsəl)  təhlükəsiziliyə dair qarşılıqlı sıx əlaqələri var. Türkiyə regionda müsbət və konstruktiv (yararlı) rol oynayır. Eləcə də fəaliyyəti İslam demokratiyasının nümunəsidir. Yeri gəlmişkən, hazırda Birləşmiş Ştatlarda ilkin seçkilərin sorğusu və nəticəsi göstərib ki, namizəd Rik Perri seçicilərin 5 faizindən artığının səsini toplaya bilməyib. Belə çıxır ki, onun respublikaçılar (cümhuriyyətçilər) partiyasından prezidentliyə yeganə namizəd olmaq şansı olduqca aşağıdır.

SEÇİLMİŞ XƏBƏRLƏR

Çox oxunanlar